Pinerluttulersaarusiortartoq nersornaasigaavoq
Danmarkimi pinerluttulersaarusiortartut kakkannersaat Jussi Adler-Olsen ukiumut nersornaasiuttakkamik Gyldne Laurbær-imik nersornaaserneqarpoq
Taamaasilluni atuakkiortup 60-inik ukiullip ukioq pisarnermit qaqutigoorluinnarnerusoq kingumut qiviarsinnaalerpaa.
Pinerluttulersaarutip nangeqattaartup Afdeling Q- tunisaanerata tupinnaannartumik annertuisartuinnarnerata saniatigut maanna aamma atuakkiortunut nersornaatinik pissarsisalerpoq.
Siorna aasakkut Jussi Adler-Olsen Skandinavisk Kiminalselskabip nersornaasiuttagaanik "Glasnøglen"-imik nersornaaserneqarpoq, maannalu atuagaarniarfiit nersornaasiuttagaanik nersornaaserneqarluni, taamatut allappoq pol.dk.
De Gyldne Laurbær atuakkiortunut atuartartorpassualinnut tunniunneqartarlunilu nunami atuagaarniarfiit sulisuisalu akornanni taasisitsineq tunuliaqutaralugu.
Nersornaammut atapput, laubærinik nigaliliap saniatigut, saqqarmioq kuultiusoq gavekortilu atuakkanik pisissutissaq 2.500 koruuninik aningaasartalik. Nersornaasiineq pssaaq marsimi apriilimiluunniit nalliuttorsiornikkut.
Nuummi saqqummiussivoq
Jussi Adler-Olsen sapaammi januaarip 23-ianni Nunatta Atuagaateqarfiani takkuttunut 100-t missaanniittunut saqqummiussivoq. Saqqummiussinermini sammivaa... atuakkiortuunini.