'Poq poq poq' naggasiivoq
Akisuanerit festivalimi naggasiineq torrallaavoq. Arfininngormat tusarnaartitsinermit assit takukkit.
Akisuanerit Festivalimi Hinnarik nuannarineqarnerpaajungajappoq Timersortarfimmi nipilersortartut akunnilertarlugit aliikkusersuinermini.
ASSIT TAKUKKIT: Arfininngormat oktobarip 2-ani Akisuanerit assitai takukkit
Arfininngornermi unnukkut Hinnariup aliikkusersuinini naggaserlugit isiginnaartunut pissippoq ikinngutiminit akorneqarluni.
Taassuma siornatigut Unnuaq Band, Naneruaq, Nanook, G-60 aamma Sussat arfininngornermi unnukkut unnuamilu Timersortarfissuarmi tusarnaartitsimmata akunniliisartuuvoq.
Unnuk nuannersumik nipilersornerpassuarlik naggaserneqarpoq 'Sussat' nunatsinni tamarmi nuannarineqaqisoq ’Sila qaammareerpoq’ atoamassuk, nukappissallu sisamat nuannaartut pississaarlutik qitillutillu nipilersorput. Tamanna tusarnaartunut tuniluuppoq tamarmik angerlalernerminni pississaarlutik.