Puisip angerlaqatigerusuppaanga

Nuummi sannavimmi Ajagami kikkut tamarmik tikilluaqqusaapput

Vittus Mikaelsenip sanaluttakkani inuuniutigai.

Assiliisoq: Hanne Broberg

Hanne Broberg Tusagassiortoq

Saqqummersinneqarpoq 4. Aggusti 2024 - 08:06

Illup qorsummik qalipaatillip igalaavisa ammanerisigut qillererpalaaq tusarsaavoq. Kigutileriffimmi ullulunnermi nipi qillererpaluk assinguvoq, soorlu kigutilerisup qillerutaa nipituneruinnarluni. Illumut qorsummut, suliffeqarfiit akornanniittumut Ajagamut, matu ammavoq silaannarlu silaannarissaavik tamakkiisumik ingerlagaluartoq pujoralammik ulikkaarluni. Sivisuumik uninngaannaraanni aliortukkatut qaqortigilerluni isikkoqalertoqarsinnaagunarpoq. Immaqaluunniit inngilitut.

Sanaluttarfiup talerpiatungaanut qiviaraanni eqqumiitsuliortut sisamat ujaqqamik ukkusissamik ilusilersuisut takuneqarsinnaapput. Ujarak thulemanditut isikkunikkiartorpoq. Arferup sarpia inaarsarneqarpoq, naneruusiassamik imerpalasumik taninneqarluni, taamaasilluni qernaarissoq qillarissillunilu. Aqisseq tennisserluni arsatut angissusilik naammassilertorpoq, sului qaquartut ilisarnarluinnarput sikaavimmut igalaalimmut ilineqariaannanngulerluni. Puisi ukkusissamik sanaaq aamma tassaniippoq. Takivoq, salulluni allakkanut ammaataalluni.

Annonse

AJAGAQ PILLUGU

Ajagaq sanaluttarfiuvoq kikkunnilluunniit atorneqarsinnaasoq.

Suliffeqarfiit akornanni Nuummiippoq ullullu tamaasa ammasarluni.
Rubininit pinnersaatiniit ukkusissamik nassunniillu sanalukkanut tuniniarneqartarput. Aningaasanik nassarnissat eqqaamallugu.

- Tunumi Ammassalimminngaanneerpunga (maanna Tasiilaq, aaqq.) ukiullu 40-t missaanni sanaluttartuullunga. Misigivunga ukiorpassuarni maani sanaluttarfimmiittarsimallunga, maanga suliartortarnera nuannareqaara, suliakkalu inuussutigisinnaavakka, Vittus Mikaelsen oqarpoq.

Ajagaq naniuminaatsoq

Sanaluttarfiup atornissaanut qaammammut 200 koruunit Kommuneqarfik Sermersuumut akiliutigineqartarput. Tamatuma saniatigut atortussat soorlu ukkusissat, nassuit kigutillu akilerneqartarput. Ukkussissat kangerlummiit pissarsiarineqartarput, sumilu nassaarineqarnersut apeqqutaalluni manngertuusinnaapput aqitsulluunniit. Nassuit eqqumiitsuliarineqartartut tuttunit umimmannilluunniit pissarsiarineqartarput.

Atuisut amerlasuut sanaluttarfimmi maskiinanik sannaviullu nerriviini suliaqaraangata tattoqinnarsinnaasarpoq. Sanaluttarfik pingasunut avitaavoq; ukkusissanik sanaartorfik, nassunnik sanaartorfik ujaqqanillu sanaartorfik. Ilaannikkut sanaluttartut 20-t tikillugit ataatsikkut suliaqarsinnaasarput. Ullumikkut qulit suliaqarput. Qaliani Lars Thorleifsen pinnersaasiorpoq. Tuttup nassuinik sapangaaraliorpoq, arferullu sarpia assilillugu mikisunik sanaartorluni. Taakku iverutiliariniarpai. Ajagami illoqarfimmilu sumiiffinni assigiinngitsuni tuniniaasarpoq.

Louis Isbosethsen, takornarianut pisiniarfinni tuniniagassanik tuttup nassuinik isarussanik apummut illersuutinik ilaatigut sanasartoq, assiganik isumaqatigiissuteqarpoq.

- Taakkua amerlasuut tunisarpakka, soorunami aamma maanngaanniit Ajagamiit tuniniaasarpunga. Umiarsuarmili takornariartaatinut ilaasunut tunisaqarpallaarneq ajorpugut, nalugunarpaat maaniittugut. Bussit marluk takornarianik ulikkaartut maannarnikuupput, kingornali takoqqinngilagut. Taamaattumik inunnut Ajagaq pillugu tusagaqarsimasunut, amerlanertigullu illoqarfimmiunut, tuniniaasarpugut, Louis Isbosethsen oqarpoq.

Juullimut tunissutissaq siulleq

Inniminniisoqaraangat nassunut atit allattarpai. Aviisimit 100 koruunimik akilimmik peqquneqarberminik Vejle Boldklubip naqinneri tuttup nassuinut kigartorpai. Tuttu atugassaqarluarluni uumasuusimanersoq nassuata kipineratigut takuneqarsinnaasoq oqarpoq. Qeqqani putut amerlappata tuttu nerisassaminik pissarsiuminaassimavoq.

Naqinnerit pappiaqqamut allappai taannalu nassumut nipitillugu. Pilattuummut amitsuarannguanik soorlulusooq tuloriaarannguanik savittalimmut nikinnaveerlugu ikkuteriarlugu kigartorpaa. Oqaluttuarpoq Jyllandip qeqqani sanasutut ilinniarnermini Kalaallit Nunaanni juullimi inuulluaqqusinermut Vejlemiissimalluni. Maanna piginnaanini illumi sanaluttarfimmi atortarpai aningaasarsiulaarsinnaanermut iluaqutaasoq isumaqarluni.

Minutsit 15-it qaangiutinngitsut naqinnerit VB inaarsarpaa, taamaasilluni juullimut tunissutissaq siulleq piareerpoq. Vejlemi ilisivimmiissaaq. Aniartorninni puisi nipiliortoq tusaavara. Qernertoq taanna Vittus Mikaelsenip sanasimasaa, sanaluttarfiup igalaaminernik saqqummersitsivianiittoq. Vejlemut aamma ilaarusuppoq.

Nassarneqassaaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.