Qimminut nerukkaatissanik tunisassiorneq misilerarneqalersoq
Qimminut nerukkaatissanik siullernik ungasinngitsukkut pilersuisinnaalissaagut, Ulloriaq Kreutzmann pisisartunut soqutiginnittorpassuarnut neriorsuivoq.
Narsami qimminut nerukkaatissanik tunisassiornermi maskiinaq sapaatip-akunnerani kingullermi sisamanngornermi tallimanngornermilu maajip 25-ani 26-anilu aallartinneqarput. Tunisassiorfik Milak Productionsimik ateqarpoq.
- Kiisami aallartippugut. Maanna pisoqalerpoq, piginnittoq suliniuteqartorlu Sisimiuneersoq, Ulrik Kreutzmann, Piinsikkunni Sermitsiamut oqarpoq.
Aviisi Sermitsiaq taama allappoq.
Suliap ingerlanneqarnerani sivisoorujussuusimavoq. Misiliummik tunisassiorneq siulleq ingerlapparput, tamatumanilu perlukunik qerisunik nerukkaatissaliortut sequtserilluta aserortiganngortitsillutaluunniit, taanna oqaluttuarpoq.
Misiliineq
Tunisassiornermi maskiinat sequtserutit imaluunniit aserorterutit pingasuupput, taakkualu nerukkaatissanik annikitsumik aserortikkatut, akunnattumik aserortikkatut imaluunniit annertuumik sequtsikkatut suliarinnissutaasarput. Tamanna misilerarneqarpoq akoorinerillu eqqortut nassaariniarneqarlutik.
- Tunisassiornerup pitsaanerpaamik ingerlalernissaanut tunisassiallu pitsaanerpaat pissarsiarinissaannut misileraanerit ingerlatissavavut, taanna oqaluttuarpoq.
- Perlukunik qerisunik aserortereeraangatta taakkua imerpalasunngortittarpavut aalaterlugillu, kuitsivinni panerserneqarsinnaasunngorlugit. Tunisassiornermi immikkoortut assigiinngitsut misilerarpavut, nerukkaatissanik blokkikkaartunik pisisartunut nassiussuilersinnaatinnata akoorineq eqqortoq ilisimalersinnaaniassagatsigu kiisalu tunisassiornerup qanoq sivisutiginera, qanoq annertutigisumik suliaqarsinnaanerput, kiisalu tunisassiat qanoq sivisutigisumik panerserneqartarnissaat ilisimalerniassagatsigu, Ulloriaq Kreutzmann paasissutissiivoq.
Immaqa ullumikkut tallimanngornermi aviisip saqqummersinneqarfigisaani piareereersimapput, kisianni Ulloriaq Kreutzmann neriorsuisinnaalersinnani tamatuminnga qularnaarinneqqaarusuppoq.
Aviisimi Sermitsiami atuarnerusinnaavutit. Aviisi uani pissarsiariuk:
