Quiananngitsumik quiassuarneq
Quiasaarisartoqkalaallisut ilinnialeramiilungersunartorsiorpoq.
– Melvin nuannersuuvoq, quiasaarumatulluni ilakkuminartuullunilu. Uatsitut ippoq immiussinitsinni quiasaarniakujuinnavikkami.
Ilulissani Atuarfik Mathias Storchimi ilinniartitsisoq Ida Marie Rasmussen taama oqaluttuarpoq, taassuma TV2-mi aallakaatitassiaq Helt Sort, Danmarkimi quiasaarisartoq Melvin Kakooza peqatigalugu decembarip 9-anni peqataaffigeqqammerpaa. Tassani Ida Marie Rasmussen ilungersunartumik suliakkerneqarpoq, tassa Melvin kalaallisut oqaatsinik ataasiakkaanik qanorlu isumaqarnerinik ilinniartittussanngoramiuk.
Ajornarnerpaaq tassaalluni quiasaarisartup ima oqarnissani ilinniartussanngormagu »Tuttut tututtut tuttutut tututtutut tuttutuuttut«.
– Tv-miittussanngornera pissutigalugu annilaangalaarama, tv-lioqataasulli tamarmik ilakkuminartuummata aallartilluariaratta assiliivik puiguinnarpara. Immiussinerit nalunaaquttap akunnerinik marlunnik sivisussuseqarput. Misigisaq nuannerluinnartuuvoq, Ida Marie Rasmussen Sermitsiamut oqaluttuarpoq.
– Nalunaqaat. Nalunartorujussuupput, Melvin Kakoozap nalunaaquttap akunnerini marlunni oqaatsinik ilinniartinneqarnini taama oqaaseqartalerpaa.
Oqaluttuaq tamaat Sermitsiami sapaatip-akunnerani matumani saqqummersumi atuaruk, ugguuna iserfigisinnaavat: