Radiomi pisortap ukioq naassavaa
Nuuk FM-i Henrik Brobergimut suli tartissarsinngilaq, taamaammat pisortatut suliffini ukioq naallugu suliffigissavaa.
Annonse
Radioqarfik tusagassiorfinnut taama nalunaarpoq.
Henrik Broberg radiomi pisortatut oktbobarip 31-ani suliunnaartussatut aggustimi nalunaarpoq. Taartaasussamilli suli pissarsisoqanngimmat Henrik Broberg decembarip 31-anut 2007 suliinnassalluni nalunaarpoq.
– Radioqarfik anersaaqarfigalugulu nuannarisorujussuugakku taartissannik suli pissarsisoqanngimmat sulisut maanaannaq qimassallugit nuannarinngilara, Henrik A. Broberg tusagassiorfinnut nalunaarutaa taama issuarneqarpoq.
Nuuk FM tuniniaasumik ussassaarisaruteqartartumillu, radiollu pisortassaanik pissarsiorpoq. Atorfinnut piffissami aggersumi allagarsiisoqassasoq, radioqarfik neriorsuivoq.