Runar Helgeland Arctic Young Chefimi ajugaavoq

Inuusuttut tallimat Islandimi Reykjavikkimi oktobarip 19-anni Arctic Young Chefimi unammisitsinermi ukkassilluarlutik unammipput.

Norski Runa Helgeland ajugaasuuvoq.

- Unammisitsinerup tamatuma ingerlanneqarnera pingaaruteqarluinnarpoq, igasut inuusuttut issittumi Atlantikullu avannaani iganermi periarfissat nuannersut misigisinnaagamikkit. Neriuppunga issittumi igasut inuusuttut suleqatigiinnerannik kinguneqarumaartoq. Unammisitsinermi ajugaanera qujamasuutigaara, unammisitsinermilu angusaqarluarsimaqaanga, ajugaasoq Runa Helgeland oqarpoq.

Ægir Fríðriksson Islandimeersoq, Per Theodor Tørrisen Norgemeersoq, Habi Khaliqdad Kalaallit Nunaanneersoq aamma Janus Einar Sørensen Savalimmiuneersoq naliliisuupput:

- Ajugaasup nerisassiani pitsaalluinnartumik suliarisimavai. Teknikkikkut, nutaaliornermikkut, mamassutsikkut sassaalliinertigullu pitsaalluinnartumik suliaqarsimavoq. Nerisassiat unamminermi qulequtamut „amerlasuunut nerisassat“-mut naleqqussarneqarsinnaapput. Siulequt kinguleqqiullu atuarfiup nerisarfianni atorluarneqarsinnaapput.

Islandip præsidentiata Halla Tómasdóttirip Arctic Young Chefimi ajugaasoq ilisaritippaa.