Simon Lynge tusarnaartitsissaaq
Nipilersortartoq erinarsussusiortorlu Simon Lynge, nersornaaserneqarnissamik innersuunneqartoq, Nordatlantens Bryggemi tusarnaartitsissaaq.
Simon Lynge nunat tamalaat akornanni nipilersornini pillugu nersorniarneqarpoq.
Ulluinnarni Los Angelesimi najugaqarlunilu sulivoq, kingullermik cd-liani 'A Beautiful Way To Drown' tassani immiullugu. Erinarsuutit tusaruminaqisumik guitaarertoqarput, inuiattoornermik popimillu akusaallutik, Simon Lyngellu taamatut nipilersorneq iluatsilluarpaa tusarnersumik guitarerluni, erinagilluni kissalaartumillu erinarsorluni, Nordatlantens Brygge allappoq.
Maannakkut Nordatlantens Brygge Christianshavnimiittumi erinarsuutini tusarnaartitsissugitiniarpai, nipilersoqatigisartakkani nipiliuutinik arlalissuarnik atuisartoq Richard Lobb peqatigalugu, tallimanngorpat januaarip 29-anni nalunaaqutaq 21.00.
Simon Lynge qallunaaq Thomas Dybdahl peqatigalugu kingullermik Tuluit Nunaanni tusarnaartitseqattaarpoq, USA-milu Independent Music Awardsimi pitsaanerpaamik nuusiorsimasutut nersornaasinissaminut innersuunneqarsimalluni.