Illoqarfimmi
nalunnguariartarfiusumi Søndervigimi Jyllandip kitaaniittumi,
Ringkøbingip eqqaaniittumi, novembarip tungaanut Nunatta
oqaluttuarisaaneranik iikkami sioqqanik ilusilersukkat 200 meterisut
takitigisumiittut 7 meterisullu portutigisumiittut saqqummersitat
takuniarneqarsinnaapput.
Suliffeqarfik
Sandskulptur.dk
Illoqarfimmi
nalunnguariartarfiusumi Søndervigimi Jyllandip kitaaniittumi,
Ringkøbingip eqqaaniittumi, novembarip tungaanut Nunatta
oqaluttuarisaaneranik iikkami sioqqanik ilusilersukkat 200 meterisut
takitigisumiittut 7 meterisullu portutigisumiittut saqqummersitat
takuniarneqarsinnaapput.
Suliffeqarfik
Sandskulptur.dk
Eqqumiitsuliortut sioqqanik ilusilersuisut periaatsimik immikkut ittumik ineriartortitsinermikkut ilusilersukkatik sioqqanik qaamasunik qalipaasersorsinnaasarpaat.
Assi: Jesper Hansen
Suliffeqarfik
Sandskulptur.dk ilusilersukkanut tupinnarluinnartunut
tunuliaqutaavoq, sutigut tamatigut Nuummi apummik qiperuilluni
festivalimit annerujussuusoq. Iikkap takisuup saniatigut sioqqanik
ilusilersukkani aamma takuneqarsinnaallutik sioqqanik ilusilersukkat
ataasiakkaat arlallit meterinik qulinik portutigisut.
Sandskulptur.dk-mik
pilersitsisoq tassaavoq Karsten Vestergaard, ukiut 22-t
ingerlaneranni Søndervigimi sioqqanik ilusilersukkanik ukiut tamaasa
assigiinngitsunik sammisaqarluni ilusilersuitsisartoq. Nunatta
oqaluttuarisaanera ukioq manna sammineqarpoq.
NALILIILAARNEQ
Ilusilersuinermik suliniummi eqqumiitsuliortut peqataasut Europamit tamarmeersuupput – tamatumanilu kalaallinik eqqumiitsuliortunik peqataasoqarani. Immaqa aamma eqqumiitsuliortut suliaqarnerminni toqqaanerannut tamanna patsisaaqataavoq.
Sioqqanit ilusilersukkat taamaalillutik Nunatta oqaluttuassartaanik tamakkiisuunatillu oqaluttuarisaanermik eqqortumik oqaluttuartuunngillat. Eqqumiitsuliaapput – allanillu ilaartorneqartariaqaratik. Aammali torrallatanik eqqumiitsuliaapput – tassami sioqqanit eqqumiitsuliat angissusaasa kingunerinik alutornartorujussuummata.
Taamaalillutit Jyllandimut feeriassaguit sioqqanik ilusilersukkanik festivalip Søndervigimiittup aqqusaarnissaa innersuussutigineqarsinnaavoq – meerartaqarussilu karsiusaqarpoq sioqqanik immikkamik, pinnguarfigisinnaasaannik.
/Jesper Hansen
Trump
pissutaanngilaq
-
Kalaallit Nunaat ukioq manna toqqarparput. Tamanna siorna
septembarimi pivoq, taamaattumik Trumpimut nunanilu tamalaani
Kalaallit Nunaannut soqutiginninnermut annertuumut
attuumassuteqanngilaq. Immaqali nammineerlunga piviunngitsumik
takorluuisarpunga nipeqanngilluinnartumi puttaami issiallunga
puisimillu puisoqarnissaanik utaqqillunga.
Iigaq sioqqanik ilusilersuiffigineqartoq 200 meterinik takitigisoq 7 meterinillu portussusilik Kunuunnguuup isiginnaaraa.
Assi: Jesper Hansen
-
Tamanna piviusunngornavianngilaq, takorluuisinnaanerli ajornanngilaq.
Taamatut takorluugaqarneq aatama ukiut 35-t matuma siornatigut
Søndervigimi sioqqanik ilusilersuinermut festivalimik
pilersitsineranut pissutaavoq, Kinami angalanermini assingusumik
takusaqarnermi kingornagut.
Ilusilersukkanik taakkuninnga takuniaanermi annikitsualuit tamaasa takujumagukkit piffissaqarluartariaqarputit.
Assi: Jesper Hansen
Sioqqanik
ilusilersukkat eqqumiitsuliornermik inuussutissarsiutilinnit 33-nit,
sioqqanik suliaqarnissamut immikkut soqutigisalinnit
ilusilersorneqarput. Ilusilersukkat suliarineqarneranni
eqqumiitsuliortut akissarsiaqassapput, nerisaqartinneqarlutik
angalanerallu akilerneqassalluni. Ullormut 110 euronik
akissarsiaqartinneqarput.
-
Suliassartik ullut aqqanillit atorlugit suliaraat. Pisussaq
sioqqullugu suliassatik titartaqqaartarsimavaat – ullormilu
siullermi ataatsimeeqatigiinnermi taakku katersorneqarlutik. Taava
ilusilersuillutik aallartipput. Eqqumiitsuliortut ukiorpassuarni
suleqatigisartakkakka taakkua ilagaat. Eqqumiitsuliornerminni
periaatsiminnik qanoq ineriartortitsisimanerat, allaat
ilusilersukkatik sioqqanik qaamasunik qalipaasersorsinnaalerlugit,
maluginianngitsuugassaanngilaq.
Sioqqanik ilusilersukkat uumassuseqarpalaarluinnartarput.
Assi: Jesper Hansen
Siorarpassuit
atorneqartut
Nunatsinnut
tunngasunik ilusilersukkanut sioqqat 6.000 kubikmeterit – 11.000
tonsit missaannik oqimaassusillit – atorneqarput.
Karsten Vestergaard ukiut 22-t ingerlaneranni sioqqanik ilusilersuinermik festivalertitsisarnermik misilittagaqarluarpoq.
Assi: Jesper Hansen
-
Sioqqat eqqatsinniittumit siorartarfiusartumeersut atorneqarput.
Sioqqat minguitsuupput attorneqarsimanatillu. Aappalungusersumik
qalipaateqarnerannut pissutaaginnarpoq, maani Jyllandip avannaani
nunap ataaneersunik qalipaammik taamaattumik
akoqartorujussuusarnerat.
Sioqqat
ilusilersorneqarsinnaaniassammata, manngersariarlugit kipparissunut
angisuunngorlugit qaleriiaarneqartarput, katitertakkanut
assingusunik. Taama suliarineqarneranni sioqqat masatserneqartarput,
katigusimaneruniassammata. Aamma sioqqat ilusilersukkat masannerat
pissutigalugu piffissaq tamaat atasinnaasarput.
