Sisimiuni ´Illerngit´ soqutigineqarluarpoq

Sisimiuni kulturip ullorsiortoqarpoq arfininngormat novembarip 21-ianni, ussassaarutigineqarpull Inuit Theatre Compagny-p isiginnaagassiaa ´Illerngit´, aammalu atisanik ilusilersuisartup Najattaannguaq L. Sværdip atisaliai.

Isiginnaagassiamut ´Illerngit´ billetsit siumut tamarmik tunineqareersimapput atisanillu takutitsineq aamma soqutigineqarluarpoq, taamatut nalunaaruteqarpoq Taseraliup pisortaa Juaaka Lyberth.

Illoqarfimmi eqqumiitsuliortut aamma kusanartuliaminnik takutitsipput inuiaallu nipilersuutaannik nipilersortoqarpoq nipilersornermik iilnniarfiup pisortaa Jakob Froberg aaqqissuussarpassuit akornini noqartilimmik nipilersortarmat, inuiaallu nipilersuutaannik nipilersortartoq Juaaka taartaasarpoq, Jacob unillatsiaraangat.

Naatsorsuutigineqarpoq arfininngormat inuit 1.500 missaanniittut Taseralimmut alakkaasimassasut, ullorlu taanna Sisimiut silagissorsuuvoq.