Sisimiuni qimminut qimuttunut nakorsaataasivik
Internet atorlugu qimminik qimuttunut nakorsiussisinnaalernissaq pillugu Nakorsaqarnermut Inuussutissalerinermullu Oqartussat Sisimiunut saqqummiiartussapput.
Sisimiuni qimmit qimuttut pisariaqartitsigunik internet atorlugu uumasut nakorsaannut nakorsiarsinnaalissapput. Taama Qeqqata Kommunia ilisimatitsivoq:
- Uumasut nakorsaat Amalie Asgerilu sisimiuni qimmit qimuttut qanoq nakorsarneqarsinnaanissaat pillugu oqaluttuassapput, aamma qimminik piginnittut qimmitik uumasut nakorsaannik nakorsaatinillu pisariaqartitsissagunik qanoq iliorsinnaanersut oqaluttuunneqassallutik.
Sisimiuni qimminut nakorsaataasivik
Internet atorlugu nakorsiussisinnaalernissaq isumaqarpoq qimminik piginnittut qimmitik napparsimalerpata Inuussutissalerinermullu Oqartussanut attaveqarsinnaalissasut. Uumasut nakorsaat qanoq iliortoqarnissaanik nakorsaatillu suut atorneqassanersut ilitsersuisassapput.
- Uumasut nakorsaata nalilerpagu qimmeq nakorsaasertariaqartoq, taava qimmilik akiligassamik nassinneqassaaq, akiligassartaalu akilerneqareerpat nakorsaatinik aallernissamut allagartamik tunineqassalluni. Nakorsaatit napparsimavimmut aaneqartassapput.
Qeqqata Kommuniata ilisimatitsissutigaa qimuttunik qimmeqarnermut aqutsineq kommunimi teknikkeqarmut immikkortortap akisussaaffigigaa, suliniullu tapersersorlugu. Nakorsaqarnermulli nakorsaasersuisinnaanissamullu akisussaaffik Inuussutissalerinermik oqartussaasut tigummigaat.
Internet atorlugu uumasunik nakorsiussisinnaalernissamut tunngasunik marlunngornermi februaarip ulluisa 27-ani SØMA-mi innuttaasunut ataatsimiisitsisoqarpoq.