KL

DK

BIATHLON WORLD CUP 24/25

Sondre Slettemark nunarsuarmi pitsaanerpaanut qanillattorpoq

Tysklandimi biathlonimik isiginnaariat ti-tusindillit isiginnaartoralugit Sondre Slettemark 10 km-inik biathlonimik unammilluataavippoq. Taanna ajugaasumit Quentin Fillon Maillet Frankrigimeersumit 2,47 minutsinik kingulliulaaginnarpoq World Cup 24/25 Oberhofimi ingerlanneqartumi.

Sondre Slettemark World Cup 24/25 Oberhofimi Tysklandimiittumi unammersuarnermi angusaminik naammagisimaarinnippoq.
Sondre Slettemark World Cup 24/25 Oberhofimi Tysklandimiittumi unammersuarnermi angusaminik naammagisimaarinnippoq.
Sondre Slettemark World Cup 24/25 Oberhofimi Tysklandimiittumi unammersuarnermi angusaminik naammagisimaarinnippoq.
Sondre Slettemark World Cup 24/25 Oberhofimi Tysklandimiittumi unammersuarnermi angusaminik naammagisimaarinnippoq.
Jensine Berthelsen
tusagassiortoq
Saqqummersinneqarpoq

Sondre Slettemark, Biathlonimi unaammeqataasorpassuit akornanni ooqattaasarnermi unammisut aqqaniliinnaat eqqoriakkat tamakkerlugit pallorluni nikorfallunilu eqqoriaanermi tamaasa eqqorpai. Tamanna Norgemiut arfinillit, svenskit tallimat aamma tyskit tallimat iluatsnngikkaat.

Sondre franskip ajugaasup kingorna 2,47 minutsinik kingusinnerulluni apuuppoq. Sondre World Cup-imi taamaalilluni unammisartutut ineriartortnermini pitsaasumik angusaqarpoq, unammeqataasuni normu 65-iulluni inissilluni. Nunarsuarmi top-30-mut ilanngunnissaminut minutsimik ataatsimik maanna nikingassuseqalerluni.

Oberhofimi, tassa unammiffiusumi 300 meterinik takissusilimmik qattuneqarpoq pingasoriarluni aqqusaarneqaartussamik. Qattunerit portusuut Sondrep nukittuffiinut ilaanngillat, tamatumalu malitsigisaanik qattunerit portusuut aqqusaartarnerini sekundinik annaasaqartarpoq.

Orluneq sisoraatillu ajaappiaata napinera sekundinik naleqarpoq

Taamaakkaluartoq ammukajaakkoornermini sukkasuumik sisoortarpoq, sanguffissani aamma narsaamanerni pitsaanerpaat qanillattortarpai. Qattunerit sisoorfiisa ilaanni Sondre orlulluni ajutoorpoq ajaappissamilu aappaa napillugu. 300 meterit missiliorlugit qaangiummata nutaamik ajaappialerneqarpoq. Unammineq naammassereermat ingerlasimaneranik misissuinerup takutippaa ajutoornermi 20-25 sekundinik annaasaqarsimasoq. Tamanna inuttaata ugguaraa, tassami normu 60-nngornissamut 18 sekundiinnarnik nikingaleruttorluni ajutoorami, taamaalillunilu ullumikkut unamminissamut anngutinngitsoorluni.

- Ajutoornera eqqaassanngikkaanni, unamminermi angusannik naammagisimaarinnilluarpunga! Unammineq sioqqullugu qanoq arpanniarlunga pilersaarut pitsaasoq najoqqutarivara, iluatsillunilu, Sondre Slettemark tulluusimaarluni oqaluttuarpoq nangillunilu:

- Taamak amerlatigisunik isiginnaartunit nuannarineqarlunga unammeqataaneq misilissimanngisaannarpara. Isiginnaartut tusindilikkaat nipitoorujussuarmik nilliasarput ooqattaasarnitsinni. Qujanartumik aallaqqaamut paasinngilara illersuillutik nilliasut pisimagaannga, tamanna aatsaat paasivara nikorfallunga ooqattaasareerama, pinerata nalaani paasisimasuugukku immaqa umeqqissaarniarnera pitsaannginnerusimassagaluarpoq! Assorsuaq tulluusimaarpunga ooqataasarnermi nipiliorfigitikkaluaqalunga eqqueqqissaartut ikittuaraannaat akornanniikkama.

Sisoraatit pitsaasut pilersaarullu pitsaasoq unammilluataartitsipput

- Løjpemi unammineq ajunngilaq. Unammiffipput uannut naleqquppallaanngikkaluarpoq, kisianni sisoraatit pitsaasut taktikkilu ajunngitsoq ingerlalluarninnut pissutaapput. Unamminerup ilaani Norgemiut ilaat World Cup-mi ajugaasimasoq ingerlaqatigaara.

- Qummukajaakkoornitsinni katattarpaanga, kisianni ammukajaakkut narsaamanikkullu angoqqittarpara unammiuaarnerup immikkoortuani. Uanga unamminermi matumani World Cup-mi unammeqatinnut sanilliullugu inuusunnersanut ilaavunga , taamaattumik upperaara ukiuni tulliuttuni pitsaanerpaat qanillissallugit qattunerni  innaaqqissuni aamma isorartuuni, isorartuunilu sisoraatinik arpanneq tassa pikkorinnerpaaffiga.

Nomadetut inuussaaq martsip qeqqata tungaanut

Pilersaarutit naapertorlugit Sondre Europap qiterpasissortaani nomaditut (angalaartuartutut, aaqq.) inuussaaq martsip qeqqata tungaanut. Kisianni maanna unammisarnissani World Cup-mi unammisarnissani unitsikkallarpaa, IBU Jr Cup-imi inuusuttuaqqani unammisartuni unammissamaara,o, siullermik Polen-imi sapaatip akunnerata tulliata naanerani ingerlanneqartussami, kingornalu Tyskland-imi nanginneqartussami.

- Inuusuttuni ukioqatigiikkaani uanga maanna angajullernut ilaavunga (2004) Jr. Cup-imi, kisianni aappaagu IBU jr. pilersaarutaavoq ukioqatigiikkaat ukiumik ataatsimik ilanngarneqassasut, taamaalillungalu peqataasinnaajunnaassallunga, taamaattumik maanna periarfissaq atorusuppara ukioq kingulleq Junioritut unammisinnaallunga. Taamaattumik siunnerfigivara ukioq manna Jr. unammisartuni unammilluarusullunga, Sondre Slettemark naggasiivoq.

Ukaleq  ajoqusernermi kingorna  februaarip aallartinnerani piariissaaq

Ukaleq Slettemark aamma Oberhofimi World Cupimi ilaasussaagaluarpoq, taassumali toqqarsimavaa uninngagallarnissani  juullinngitsiartoq ajoquserismanermi kingorna seeqqumigut ajoqusersimagami, taamaammallu kingusinnerusukkut aatsaat unammisartutut utissamaarpoq. Taassima  naatsorsuutigaa februaarip aallartinnerani unammisaleqqissinnaassalluni.

kulturi grønlands biathlon forbund sondre slettemark timersorneq ukaleq slettemark sport

ATORFIIT Se alle jobs

Powered by Labrador CMS