Taalliortoq Moses uummaannarpoq
Moses Olsenip taallia Ilisimatusarfimmi atuakkiornermik ilinniagaqartunut suli ilinniutaassapput.
Qularutissaanngilaq Moses Olsen Kalaallit Nunaata politikkikkut oqaluttuarisaanerani nutaanerusumi pingaaruteqarsimasoq.
Siumumili politikerip qanittukkut toqusp taalliai oqaluttuaaraliaalu Kalaallit Nunaata atuakkiornikkut oqaluttuarisaanerani aamma pingaaruteqarput, lektor Karen Langgård, Ilisimatusarfimmi Oqaatsinik, Atuakkiornermik Tusagassiorfinnillu ilisimatusarfimmi ilinniartitsisoq, oqarpoq.
- Moses Olsenip taalliai kalaallit kulturiannut namminersornerunerlu sioqqullugu piffimmut paasissutissatut pingaaruteqarput. Taalliai imarisamikkut aammalu qallunaanngorsaanerup nalaani kalaallit oqaasiinik eqaatsumik atuinikkut pingaaruteqarsimapput, minnerunngitsumik kalaallinut inuusuttunut Danmarkimi ilinniagaqartunut, Karen Langgård oqarpoq.
Sermitsiaq atuaruk.