Taamaattumik Nive kulturikkut ambassadørinngorpoq

Sapaatiummat maani Sermitsiaq.AG-mi oqaluttuaraarput Nive Nielsen Kommuneqarfik Sermersuumi siullersaalluni pisortatigoortumik kulturikkut ambassadørinngortinneqartoq.

Neriorsuutigineqartutut toqqarneqarneranut tunuliaqutaa oqaluttuarissavarput, Kulturikkut siuarsaanermut siunnersuisoqatigiit aalajangereersullu Kommuneqarfik Sermersuumi ukiut tamaasa kulturikkut ambassadørimik toqqaasoqartassasoq.

Kommuneqarfik Sermersuup borgmesteria Asii Chemnitz Narup nassuiaavoq:

- Kulturikkut pikialaartitsisoq makkuninnga piginnaasalik ujarsimavarput:

* Nunatsinni avataanilu saqqummertarnerminut atatillugu Kommuneqarfik Sermersuumut nunatsinnilu kulturikkut pikialaartitsisunut sinniisuusinnaasoq, taakkuninngalu sassartaarisitsisinnaasoq

* kulturikkut pikialaartitsisut nuimasut Kommuneqarfik Sermersuumi takutitsinissaannut isumassarsisitsisinnaasoq

* kommunimi meeqqanut inuusuttunullu maligassiuisuussalluni isumassarsisitsisuussallunilu

- Kalaallini nipilersortartuni siullersaalluni Nive Nielsen nunat allamiut nuutinik saqqummersitsisarfiannik ataasiinnaanngitsumik - pingasunilli - suleqateqarpoq, Asii Chemnitz Narup, sapaatiummat ualikkut Nuummi kulturip illorsuani pisortatigoortumik toqqaanermut atatillugu, nassuiaavoq.

- Nive Nielsenip iluatsilluartumik nipilersortartut Canadap issittortaaneersut suleqatigisimavai, nunarsuullu ilarujussuanut tusarnaartitsiartortarsimalluni. Nalitsinni nipilersortartut nuimanersaasa ilisarnaataat nammineq aamma pigaa: Nammninerluinnaq nipini ilisarnarluartoq. Qamannga pisumik erinarsoriaaseqarpoq uummatitsinnik attuisartumik. Ukulele-anit aappalaartumit inequnaqisumit issarnertut ittut nipilersoriaasianut immikkut ittumik ilisarnaatinngorsimasut pilersinneqartarput. NIpilersoriaaseq misigissuseqaqisoq, quianartussarsiortoq aammalu persuarsiortuunngitsoq - tamaasa ataatsikkoortillugit. Nipilersortarnera maluginiutinut eqiiallatsitsisuuvoq, aammalu nipit misigissutsillu silarsuaannut tupaallannartunut ammaassisuulluni.

risk, humoristisk og trashy på én gang. Hendes musik er sanselig stimulerende og åbner for en verden af forunderlige lyde og stemninger.

Atuaruk "Nive kulturikkut ambassadørinngortinneqarpoq"

- Nipilersoriaasia nipaassusermik aamma akoqarpoq - nipaassuseq nunatsinni pinngortitamit nalunngeriigarput. Nipaassuseq nuimassusermik aamma ilisarnaatilik. Nipilersorusulluinnarpoqd nunarsuatsinnilu angalajuarpoq, piffinni assigiinngitsuni isiginnaartitsisarfiit tusarnaartitsinerillu ornigarisarlugit. Ulapingaaravit toqqarnissannut piffissamik nassaarniarneq unammillernartuusimavoq.

- Akisunerni angalasuunngilaq, maniguuttumilli avatangiiseqarluni angalasarluni. Nipilersorneq nukissanik aallerfigisarapaa, Asii Chemnitz Narup Nive Nielsenimut oqalugiarnermini oqarpoq.

Nive Nielsen 2011-mi nunat avannarliit nipilersornermik nersornaasiuttagaanut piukkunneqarsimavoq.