Taekwon-Do-eluni unamminermi angusat kusanartut
Nunani tamaneersut Skotlandimi unammineranni Kunuk Hansen gultinnallunilu sølvinnappoq.
International Taekwon-do Turnering pinsikkunni Skotlandimi ingerlanneqarmat kalaallit erfalasuat illersorluarneqarpoq. Kalaallini kisimiilluni peqataasoq kunuk Hansen specialteknikerluni unamminermi gultinnallunilu sølvinnappoq.
Kunuk Hansen Kalaallit Nunaata Taekwon-Do-rluni nunanut allanut unammisartuini inuusuttunut angajullernut ilaasoq Danmarkimi timersortartut ilinniarnertuunngorniarfianni ilinniartuuvoq.
Hollandimiut nunanut allanut unammisartui hotelimi najugaqaqatigisussaasimavai. Kalaallit Nunaat Europami unammiuaarnerni ilisimaneqarluartarpoq, taamaattumillu hollandimiut Kunuk Hansen unamminneq ilamittut ernersiartaarisimavaat.
Hollandimiut sungiusaasuata tapersersorluarsimavaa, Kunuulli frikamperluni finalimi hollandimiu unammisussanngoramiuk imminuinnaq isumagisariaqalersimavoq. Kunullu finalimi dommerit taasineranni 4-0-imik ajugaavoq.