Tuattunnguaq ikaartiterisartoq
Eqqumiitsuliornermik Ilinniarfiup Nuummiittup ukiuni pingasuni ilinniartitsisorisaa Katuami saqqummersitsivoq piginnaasaqarninilu takutillugu.
– Nangittaqattaartunik suliaqartaqaanga. Saqqummersitsinermi nangittaqattaartut aalisakkanut tunngapput. Nuummi suliaapput. Aamma nangittaqattaartunik illunut tunngasunik suliaqarpunga. Aamma taakku maani suliaapput, eqqumiitsuliortoq Anne Bjørn, maanna Katuami saqqummersitsisoq, oqarpoq.
Anne Bjørn qallunaajuvoq assilialiortartoq. Ukiuni pingasuni Nuummi Eqqumiitsuliornermik Ilinniarfimmi ilinniartitsisuuvoq avataanit tikisitaq. Maanna ilinniartitsisumiit nammineq suliaminik saqqummersitsilluni alloriaqqippoq.
– Nuanneqaaq saqqummersitsinissamut periarfissinneqarneq. Takutissinnaallugu uanga nammineq sunik suliaqartarnera. Tamanna uanni annertunerpaavoq, eqqumiitsuliortoq oqarpoq innersuussutigalugulu namminneq eqqumiitsuliortuunerugami eqqumiitsuliornermik ilinniartitsisuunermininngaanniit.
Eqqumiitsuliortutut namminersortuunermi saniatigut aamma Kunstakademietimi Århusimi ilaanik aqutsisuuvoq.
Sammisaq pillugu Sermitsiaq normu 32 atuaruk.