ilinniartitsineq
Tusagassiuutilerisoq meeqqat atuagaannik saqqummersitsisoq
Maren-Louise Poulsen Kristensen atuartunut minnernut atuakkiorpoq
Saqqummersitsiviup Igloo Publishingip atualertoqalernerani atualertussanut atuagaq nutaaq saqqummersippaa.
Taanna nutaaq kalaallisut allagaavoq, meeqqanullu ukioq manna atualertussanut tulluarsagaalluni.
Atuagaq 'Ilikkarta' naqinnernut, allannermut, kisitsinermut piffissamullu ilinniutaavoq kalaallisuinnaq imaqartoq.
Nuummi saqqummersitseqqaarneq
- Kalaallit Nunaanni atualertussanut ilinniutinik taamaattunik amigaateqarpoq, taamaattumillu Maren‐Louise P. Kristensenip Igloo Publishingimit Ilikkarta saqqummersippaa, ataasinngornermi tusagassiuutinut nalunaarummi taama oqaatigineqarpoq.
Atuaruk: Arnaq tusagassiuutilerisoq nersornaaserneqarpoq
Atuaruk: Atuagaq erinarsuutaallunilu nipilersuut nutaaliaq kalaallisoortoq
Atuakkamut aamma plakatinik naqinnertalinnik peqassaaq.
Maren‐Louise Poulsen Kristensenip atuakkamik allattuullunilu isumassarsisuuvoq. Pipaluk L. Berthelsen atuakkamut aaqqissuisuuvoq, Ivinguak Stork Høeghilu titartaasuullunilu ilusilersuisuuvoq.