TV-2-p kalaallit peqatigalugit nuuteeraliaa maanna internetikkut tusaasinnaalerpat
TV-2-p tusarnaartitsinermit nuuteeraliaa 'Greatest Greenland' digitalitut aaneqarsinnaasunngorluni aamma ilaatigut Spotifymi streamerneqarsinnaanngorpoq.
Nuummi Kræftens Bekæmpelsep katersuiniartitsineranut annertuumut atatillugu TV-2-p 1988-imi Kalaallit Nunaat siullermeerlutik tikippaat. Tamanna nunamut nuannarinninnermik, suli ullumimut atuuttumik aallartiffiuvoq.
- Nipilersoqatigiit Kalaallit Nunaannut, innuttaasunut, pinngortitamut, aamma nunamut alutornartorsuarmut asannilerput, TV-2 tusagassiuutinut nalunaarummi allapput.
- Taamanernilli tusarnaartitsinerpassuit pisimapput – kujataani Nanortalimmit avannaani Uummannamut.
- Kalaallinik eqqumiitsuliortunik suminngaanneerneq aamma oqaluttuat akimorlugit qanimut ikinngutigiinnerit aamma pilersinneqarsimapput.
Tusarnaartitsinermit immiussaq 2014-imi ’Greatest Greenland’ saqqummerpoq, taanna Kalaallit Nunaanni kisimi saqqummersinneqarpoq. Nuusiami ilaatigut qatanngutigiit Elsnerikkut, Nukâka, Maasi, Malik aamma Nina Kreutzmann tusarnaartitseqataapput.
- Nuuteeraliatta Kalaallit Nunaata avataani aamma digitalitut aaneqarsinnaalernissaa streamerneqarsinnaanissaalu amerlasuut kissaatigisimavaat… taamaammat ullumikkumit nipilersukkat 18-it ilaatigut Spotifymi tusarnaarneqarsinnaalerput, nammineq oqarnerattut Danmarkimi nipilersoqatigiit pikkunaannersaat, tusagassiuutinut nalunaarummi taakku allapput.