TV: Nikkup Inatsisartuni pilersaarutai
Marsip 12-ani qinersinerup unnukkuani Partii Inuit Inatsisartuni siullertut suliassaanut atatillugu Partii Inuit siulittaasuata Nikku Olsenip oqaasii tusaakkit
Partii Inuimik pilersitsisoq nuannarineqarluartup Nikku Olsenip politikkikkut takorluugai tallimanngormat ajalusoorput. Inatsisartunut ilaasortaanissamut naleqqutinngitsutut naliliiffigineqarpoq. Inuttaa nammineq naapertorlugu 2005-imi aapparisimasaminik isatsisimanini pissutigalugu.
Nikku Olsen suliassanut Inatsisartuni isertitaqarnermi suliarineqartussanut isumassarsiarpassuaqaraluarpoq. Tamakkua sorpiaanerat Sermitsiaq.AG-mit marsip 12-ani qinersinerup unnukkuani Partii Inuit Nuummi katersortarfimmi ataatsimoornerani apeqqutigineqarpoq.
Videokkut apeqqarissaarnerup pinerani taasinerit suli takkussuupput, taamaalinerani Nikku Olsen taaguunneqarnerpaat pingajuattut inissisimavoq. Taamaalinerani Nikku Olsen aperaarput Inatsisartunut isernermi partiip allanngortikkumasai siulliit suunersut.
Partiip siulittaasuata taamani qanoq akissuteqarnera videomi matuma qulaaniittumi takuuk (apeqqarissaarneq kalaallisuinnaavoq)