TV: Nunasiaasinerup amiakkui nungutinniarpai
Nunasiaasimanerup kingunipilui qaangerniarlugit Siumup siulittaasuata Aleqa Hammondip saammaateqatigiinnissaq isumakkeerfigeqatigiinnissarlu pisariaqarsoraa
Nunasiaasimaneq suli ullumikkut anniaatigineqarpoq. Taama isumaqarput naalakkersuisooqatigiilersut Partii Inuit, Atassut Siumullu ukiuni sisamani suleqatigiinnissamik isumaqatigiissumminni qanoq sulisoqarnissaanik pilersaarusiorsimasut.
Isumaqatigiissut 13-inik qupperneqarpoq. Immikkoortumi kingullerpaaq nunasiaasimanermut tunngavoq. Ima allassimavoq:
’Nunatta nunasiaasimanerata kingunipilui qaangerniarlugit saammaateqatigiittoqarlunilu isumakkeerfigeqatigiittoqartariaqarpoq. Iliuuserineqartussat pilersaarusiorneqassapput'.
Læs hele "koalitionsaftalen her"
Naalakkersuisooqatigiit isumaqatigiissutaat saqqummiunneqarmat Sermitsiaq.AG-miit naalakkersuisut siulittaasua Siumumeersoq Aleqa Hammond aperaarput nunasiaasimaneq pillugu immikkoortoq sunerpiaq imaqarnersoq.
Videokkut apersorneqarnera allaaserisap qulaaniittoq takusinnaavat qanoq akinersoq
Kukkunikkut oqaloqatigineqarnerani sekundit siulliit 2-3 nuunneqarnerani ajortissimapput.
Sermitsiami kingullermi aamma naalakkersuisut siulittaasortaavat qinesinermilu kingullermi qinigaanerpaasoq ilisaritipparput. Tassani Aleqa Hammondip ilaatigut saammaateqatigiinnissamik isumakkeerfigeqatigiinnissamillu pilersaarutit itisilerpai. Ingammik inuup maannakkut inuusup ukiut 28-t sinnerlugit parnaarussaasup atuakkiarineqarnera isumassarsiffigisimavaa.
Sermitsiaq uani pisiarisinnaavat: