Ullutsinni angakkoq: - Uumavunga
Kalaallit upperisaat, Sila, angakkullu nunasiaataalernerup kingorna inerteqqutaalernikuupput,maannalu piuneerutingajavissimallutik. Maannali uteriartuaaqqilerput. Aviaja Rakel SanimuinaqKristiansen angakkuuvoq ullutsinneersoq, angakkorpassuarniit kingoqqisoq.
Aviaja Rakel Sanimuinaq Kristiansen Nuummiuunngornikuuvoq. Najugaq angerlarsimaffittut
isigilersimasaq. Arfineq-marlunnik ukioqarlunili inunngorfigisaminiit Ittoqqortoormiiniit nuukkami Danmarkip Kalaallit Nunaatalu akornanni utikassimavoq. Tamannali maanna
oqaluttuaannanngorpoq. Inuunermini eqqissineq maanna nanisimavaa. Taassuma inneq, imeq
allallu aqqusaarsimavai maannalu imminut nassaarisimalerluni. Namminivittut, inuunermini
aqqutissavini angakkutut qimarratigiunnaarsimavaa, anaanaminiit angajulliup tulliatut aamma
angakkuusumiit, Tunumi angakkorpassuarniit kingoqqisutuut.
- Angakkuuneq pissusaavoq. Upperisaanngilaq paatsoorneqakkajuttartoq, naqissusiivoq.
Nuup qeqqani illumi sungaartuni akunnattumik angissusilimmi, inimi medicinhjulip assniga
ulorpassuillu iikkami nivingapput, ballonit heliumimik pullatat paniata sisammiinerani kusassaatit qulleeqqallu inimut kissalaartumik qaamatitsisut.
Aviaja Therecie Sanimuinaq Pedersenip Erik Sanimuinaq Pedersenillu panigaat, taanna
ataataviginngilaa ataatatulli taasarlugu. Qulinik ukioqartoq inuuneraniilerpoq.
- Ingerlaannaq ataatatut isigilerpara kinguliaalu kinguliarilerlugu, oqarpoq.
Arnaa, Aviajap oqarneratut, qangatut perorsagaavoq ilaqutariinni piniartukkormiuni
piniartunngunngikkaanni piniartumut nulianngorfiusuni, Ittoqqortoormiiniit kilometerinik 100-nik ungasitsigisumi.
- Kinguaariinni uanga siulliullunga napparsimmavimmi inunngorpunga, Aviaja oqarpoq. Taanna 38-iinnarnik ukioqarpoq.
Arnaa angajullermut tulliunngilaq, angakkunngornissaalu aallaqqaammut
takorluugaasimanngilaq. Ilaqutariinnili angajulliup tullia oqaluffiup ersisaarutinik siaruarterinerata tatamisissimavaa, tassa angakkuuneq ajortuusoq. Toornaatalu ornimmagu igalaakkut qimaasimavoq. Ajoqusersimanngilaq, tatamerujussuaramili qimaaffissani siulleq atorlugu qimaasimavoq.
- Taannalu tataminneq kinguaariinni ingerlaarsimavoq peeriaannaajunnaarluni, Aviaja
oqaluttuarpoq.
Oqaluttuaq tamaat aviisimi AG-mi sapaatip-akunnerani matumani saqqummersumi atuaruk. Ugguuna iserfigisinnaavat:
