Uummannami blues
Disco Bay Blues aamma HEJ tallimanngorneq 31. januaari Uummannami tusarnaartitsissapput.
Annonse
Blues-erpalaaq aamma Uummannami nuannarineqalersimavoq, bluesimik nipilersortartut nuannarineqarluartut Iluliarmiut Disco Bay Blues tallimanngorpat 31. januaari timersortarfissuarmi tusarnaartitsissapput.
Nipilersortartut nipilersoqatigiinnermik sungiussisimalluarlutik tusarnaartitsissapput. Nipilersortartummi nuannarineqarluartut qaammatit arlallit ingerlanerini tusarnaartitseqartaarsimapput, aammalumi ukiaq manna Nuummi Atlantic Musicip nalliuttorsiorneranut atatillugu tusarnaartitsisoqarmat nipilersoramik nuannarineqarluarlutik.
Disco Bay Bluesikkut nipilersoqartigissavaat Herluf Møller, nipilersoqatigisartakkanilu HEJ-ikkut ilagalugit nuuteeeraq »Ukiut« saqqummerseqqammerpaat.