Video takuuk: ‘Gay Greenland’ qallunaanit kulturikkut nersorneqartoq

Ilisarititsilluni saqqumersitaq, inunnik ikinnerussuteqartunik, nalinginnaasumillu nipaallutillu saqqumisuunngitsunik takutitsisoq, aamma nunatsinni suiaaqatimoortarneq pillugu siullerpaamik assilisatigut saqqummersitsiffiusoq, ukiormanna Axgilimik LGBT-ikkormiut aaqqissuussineranni akisssarsisitsisaqattaarnerannilu, kulturikkut nersornaasiuttakkamik tunineqarpoq.

Taama Napa - Nunani Avannarlerni Piorsarsimassutsikkut Attaveqaat, saqqummersitamik assiliisoq Jørgen Chemnitz peqatigalugu, Napami pisortaasimasup Leise Johnsenip kajumissaaruteqarnerata kingorna suliaqartuusimasoq, tusagassiuutinunt nalunaaruteqarpoq.

LGBT tassaavoq anguteqatinoortut, arnaqatinoortut, tamanoortut suiaassutsimillu allannguerusuttut Qallunaat Nunaanni nuna tamakkerlugu peqatigiiffiat.

Atuaruk: 'Gay Greenland' akissarsitinneqarnissaa innersuunneqartoq’

Ilisaritinneqartut tamarmik issuaaffigineqarput
Ukiuni 2011-mi aamma 2012-imi Jørgen Chemnitz suiaaqatiminoortartunik 61-inik ilisarititsilluni assilivoq, taakkualu assinngorlugit 1x1 meterisut angitigisunngorlugit kinguaassiutimikkut inissisimaffiat pillugit oqaasertaliisillugit saqqummersinneqarput.

Kulturikkut nersornaat qallunaamit erinarsortartumit Medinamit Qallunaat Nunaanni Cirkusbygningenimi pingasunngornermi unnukkut tunniunneqarpoq.

- Uani pisumi Kalaallit Nunaata eqqaaneqarnera assut nuannaarnarpoq, tassami Kalaallit Nunaanni inuunerup inuunerineqartup qanoq imaqarsinnaanera aamma saqqummiunneqarmat, nersornaammik tigusisoq Leise Johnsen oqarpoq.

Nunatsinni inooriaatsip nutaajunerup takutinneqarnera
Gay Greenland siusinnerusukkut Nuummi kulturikkut illorsuarmi Katuami, Sisimiuni kulturikkut illorsuarmi Taseralimi, Reykjavikkimi, Thorshavnimi aamma Nordatlantens Bryggemi saqqummersinneqarnikuuvoq, soorlu aamma saqqummersitap ilaa nunatsinni kommuunit allaffiini arlalinni takutinneqarnikuusoq.

- Nunat avannarliit Kalaallit Nunatta akornani ikaartarfittut atornitsinni Gay Greenlandi Kalaallit Nunaanni inooriaatsip nutaaliaasup saqqummersinneranut takussutissaalluarpoq. Nuannaarutigaarpullu Kalaallit Nunaanni suiaqaatiminoortartut atugarisaasa nukittorsaaviginerat peqataaffigisimagatsigu inuit 61-it kusanartut nunani avannarlerni, nunarsuullumi sinneranut, oqaluttuarineratigut, Napami pisortaq, Mats Bjerde oqarpoq.

Leise Johnsenip kulturikkut nersornaasiussamik tigusineranit videoliaq allaaserisap ataani takuuk. (Video takusinnaanngikkukku UNA TOORUK)