Vivaldi Nuummi atorneqassaaq

Erinniarsuup Nuummi poorskikkunni atorneqarnerani Nordisk Koncertkor saniatigut aningaasarsiutigalugu erinarsortartut sisamat kammerorkester-ilu, Nunani Avannarlernit tamanit nipilersortartunik pikkorinnerpaanik katitikkat, peqataassapput.

Erinniarsuaq atorneqassaaq Bente Colding-Jørgensen siulersuisoralugu.

- Aaqqissuussamut isumalluarnissarujussuarmut tunngav issaqarpoq, tassa erinniarsuaq kusanaqimmat nalissaqarnanilu, aaqqissuussisut oqarput.

Erinarsoqatigiit ukiorpaalunni Bente Colding-Jørgensenimit aqunneqarlutik ineriartortuinnarsimapput, imalu pikkorissuseqarput suliassaq sapernagu.

Tusarnaartitsinermi pingaarnerpaajussaaq Vivaldi-p sanaava "Dixit Dominus", tamatumali saniatigit erinarsoqatigiit erinarsugassiat naannerit atortassavaat, tusarnaariallu aamma kisimiillutik erinarsortartut nipilersortartullu tusaajumaarpaat.

- Erinarsoqatigiinnut, maanna 40-t sinnerlugit ilaasortaqalersimasunut, nuannersorujussuuvoq nipilersortartorpassuit kisimiillutillu erinarsortartut suleqatigeqqinnissaat misigisamillu annertuumik tusarnaariat peqatigalugit misigisaqaqateqarnissaq.

Erinarsugassiarsuaq Katuami Hans Lyngep Inaani apriilip 7-ianni 8-annilu takutinneqassaaq.