KL

DK

Inatsisartut ullumi ataatsimiilissapput

Hanna Hviid
efterårssamlingen2026

Inatsisartuni ilaasortat aningaasaqarnermut, tungiuinermut inuussutissarsiutinullu tunngasunut siunnersuutinik qaammatit tullerni marlunni oqaluuserisassaasuassanngillat.

Inatsisartut ukiakkut ataatsimiinnerat ullumikkut aallartissaaq.

Politikerit Hans Egedep Illuanit Annaassisitta Oqaluffianut ingerlaaqatigiissapput, tassanilu naalangiassallutik. Naalangiareernerup kingorna Inatsisartunut ingerlaaqatigiittoqassaaq.

Ataatsimiinneq nal. 11.00 aallartissaaq, ullumilu oqaluuserisassat amerlanngillat.

Inatsisartuni siulittaasussamik taasisoqassaaq, kiisalu siulittaasup tullia siulleq, aappaat, pingajuat sisamaallu aamma taasissutigineqassallutik.

Tamatuma kingorna Naalakkersuisut siulittaasuat, Jens-Frederik Nielsen (D), Inatsisartut ukiakkut ataatsimiinnerat ammarlugu oqalugiassaaq.

Ammaanermi oqalugiutigineqartoq ataasinngorpat oqallisigineqassaaq.

Imarisassat attuumassuteqartut

  • Ingerlaaqatigiinneq aallartippoq

    Hanna Hviid

    Siallerunnaamivoq, politikerillu maanna oqaluffiliarput.

    Naalakkersuisut siulittaasuat Jens Frederik Nielsen Inatsisartunilu siulittaasoq Kim Kielsen saarliupput.

  • Naalakkersoq Peter Borg naalagiaqataanngilaq

    Thomas Veirum
    Peter Borg naalagiaqataanngilaq.

    Aalisarnermut, piniarnermut, nunalerinermut imminullu pilersornermut naalakkersuisoq Peter Borg (D) Inatsisartut ukiaanerani ataatsimiinnerisa aallartinneranni pisarnertut naalagiaqataanermut peqataanngilaq.

    Uanga nammineerlunga politikkimi sulinera upperisamut attuumassuteqatsinnginnakku taamatut iliorpunga, naalakkersuisoq Peter Borg oqarpoq.

    Taamatulli periuseqarneq ataqqillugu oqaatigaa.

    Soorunami ataqqivara taamatut periuseqartoqarnera, kisianni uanga upperisamut arlaannut attuumassuteqannginnera pissutigalugu siulianili naalagiaqataaneq ajorpunga, oqarpoq.

  • Hans Egedep illuata silataani bussit piareerimapput

    Hanna Hviid

    Ileqqoq malillugu Hans Egedep illuaniit Annaasisitta oqaluffianut politikkerit ingerlaaqatigiittarput.

    Nuummili silarluppoq, siallerneranilu Hans Egedep illuata silataani bussit, politikkerit oqaluffimmukaatissallugit piareersimapput.

Powered by Labrador CMS