Aallaammik siorasaarisoqarnerata kingorna politiit ulapittut

Kalaallit Nunaanni Politiit pigaartuisa pisortaat, Carl Sværd naapertorlugu meeqqanut aallaammik siorasaarisoqarsimammat ulapputeqarlutik.

Siorasaarisoq najugaqarfimmiit anisinnissaa politiit maanna suliaraat.

- Pineqartoq maanngaanniit oqarasuaatikkut oqaloqatiginiarsaraarput najugaqarfimmiillu anisinniarsaralugu. Aallaammik seqqortoqanngilaq aamma ajoqusertoqanngilaq, pisortaq Sermitsiamut oqarpoq.

Politiit maanna najugaqarfiup eqqaani assersuillutik ulapimmata akornusersorneqannginnissartik kissaatigaat, kiisali najugarfiup eqqaani najugallit silammut aninnginnissaat innersuussutigalugu.