Agathe Fontain Arctic Circle Businessimi siulersuisuni siulittaasunngortoq

Arctic Circle Business nutaamik siulittaasortaarpoq, suliniutillu nutaat atuutsinneqalerlutik.

Agathe Fontain Arctic Circle Businessimi siulersuisuni siulittaasunngorpoq:

- Suliffinnik pilersitsiniarnerni peqataarusuppunga upperaaralu suliffeeqqat taassaasut kommunitta iluani ineriartornermut aqqutaalluartuussasut. Qeqqata Kommuneani unammisassat amerlapput, mittarfiit pilersinneqarnerisa kingunerinik annertusisamik pilersitsiuarneq ingerlasariaqarpoq isiginnaaginnaartuinnaassanngikkutta. Taamaattumik innuttaasut peqatigilluarnissaat pisariaqartutut isigaara.

- Siunissamilu takorniaqarnermik ingerlatsinerput pitsaasuuppat siammasippallu, ingerlalluarsinnaasoq qularinngilara. Tamannalu ilaasortatta aamma qanimut suleqatitta kommuni Namminersorlutillu Oqartussat suleqatigilluarnerisigut angussavarput, siulersuisunut siulittaasunngortoq, Agathe Fontain oqarpoq.

Suliniutit nutaat

Ukiumoortumik ataatsimeersuaarnermi Sofie Frydenrejn Johansen, siulersuisuni siulittaasuusimasup, ileqqoreqqusani suliniutit aalajangersimasunik saqqummiivoq, ACB-p periusissiaanik tunngaviusumik ingerlatsiviup nukittorsarneqarnissaa siunertaralugu.

-  Issitumi takorluugaavoq Qeqqata nunap immikkoortuani inuussutissarsiorfigissallugu pitsaanerpaanissaa, tamannalu anguniarlu nunap immikkoortuani ilaasortaqarnissatta orniginarsarnissaanik imaqarpoq anguniakkatsinnik nukittorsaataassammata.

Aallarnisaasut nutaat ukioq siulleq akeqanngitsumik ilaasortaasinnaanissaminnik neqeroorneqarnissaat, ukiup aappaani akip affaa, ukiullu pingajuani akimik tamakkiisumik akeqalertitsinissaq.

Ukiut tamaasa siulersuisut ataasiarlutik Sisimiut avataani ataatsimiittassapput – siulersuisut naatsorsuutigaat ukioq manna ataatsimiinneq ataaseq Maniitsumi ingerlanneqarnissaa.

- Qeqqata Kommuniani inuussutissarsiornermut periusissiamik ukiuni qulini tulliuttuni atuuttussamik siulersuisut ilaatigut maanna pingaarutilimmik suliaqarput, tamannalu ineriartortinneqassalluni Arctic Circle Businessip pisortaa Naasunnguaq Beck Kristensen qanimut peqatigineratigut.

- Siulersuisuni siulittaasutut qujavunga suleqatigisatsinnullu qujarusuppunga tapersersorneqarninnut tatigineqarninnullu, taamaasillutami sinaakkutinik ineriartorfiusinnaasunik pilersitsisimavugut. Immikkut ilaasortagut qujaffigerusuppakka, taakkuummata Nunatsinni inuussutissarsiornermut aaqqissuussami ineriartortitsisut nukittunerpaatut inissiisut, Siulersuisuni siulittaasuusimasoq Sofie Frydenrejn Johansen oqarpoq.

Sofie Frydenrejn Johansen, siulersuisuni suli ilaasortaasoq, siulersuisuni siulittaasutut ukiut marluk inissisimareerluni tunuarpoq.

Bestyrelsen for Arctic Circle Business ser nu sådan ud:

Arctic Circle Businessimi siulersuisut ataatsimeersuarneq naammassimmat ima isikkoqalerpoq:

• Siulittaasoq: Agathe Fontain, WestGreenland Wildlife
• Siulittaasup tullia: Henrik Sachse, Arctic Star
• Siulersuisuni ilaasortaq: Najannguaq D. Lennert, GrønlandsBanken
• Siulersuisuni ilaasortaq: Sofie Frydenrejn Johansen, Frydnrejn
• Siulersuisuni ilaasortaq: Jonas Nielsen, Permagreen
• Siulersuisuni ilaasortaq: Ulloriaq Kreutzmann, Milak Productions, Tupilak Constructions
• Sinniisoq: Magnus R. Ellekær, Hotel Søma
• Sinniisoq: Linda Madsen, Polar Entreprise A/S

Agathe Fontain uini peqatigalugu suliffeqarfik WestGreenland Wildlife ingerlappaa, qissattartitsineq, kulturerpullu malillugu eqalunniariaaseq, pullarsersornermik tunngavilik, kiisalu eqalunnik pujoorineq, panertulineq, tarajorterineq aqqutigalugit takorialerinermik suliaqarluni.