Sisimiuni ataasinngornerusoq siallerpoq, innuttaasullu Brugsenip silataaniittut amerlapput. Innuttaasut 30-it missaaniittut Sermitsiamit apersorneqarput, amerlanerillu Aleqa Hammondip siulittaasunngoqqinnera akerleraat.
Amerlanerilli atertik saqqummiullugu oqaaseqarusunngillat.
Sisimiuni ataasinngornerusoq siallerpoq, innuttaasullu Brugsenip silataaniittut amerlapput. Innuttaasut 30-it missaaniittut Sermitsiamit apersorneqarput, amerlanerillu Aleqa Hammondip siulittaasunngoqqinnera akerleraat.
Amerlanerilli atertik saqqummiullugu oqaaseqarusunngillat.
Innuttaasut isumaat assigiinngitsut
Marie Lynge Sermitsiap naapippaa, taassuma isumai marloqiusaapput:
- Ajorinngilara, kisianni aappaatigooqartillugu. Soorlu
siornatigut aningaasanik atornerluinikuunera peqqutigalugu. Kingumut qiviarlugu
eqqarsaatiginalaarami.
Aleqa Hammond 2016-imi Siumumit anisitaavoq folketingimi korti nammineq pisiassanut atornerlussimagamiuk, 2014-imilu Aleqa Hammond Naalakkersuisut siulittaasuattut tunuartariaqarsimavoq, nunatta karsianit 100.000 koruunit missaat nammineq atorsimagamigit.
Marie Lyngeli neriuppoq siulersuisut nutaat Aleqa Hammond suleqatigilluarlugu Siumut ineriartortissagaat. Inatsisartunummi qinersigatta Siumut arfilinnik ilaasortaatitaminik annaasaqarpoq:
- Neriuppunga siuassasoq, sulilluaruni neriuppunga siumut
ingerlassasoq. Siulersuisut suleqatigiilluariarunik, imatut imminnut kimmaaterujuuginnaratik, Marie Lynge oqarpoq, sialuullu ataani ingerlaqqilluni.
- Isumakkeerfigereerpara
Voxpoppernermi Nuka Christiansen aamma apersorneqarpoq, taassuma isummani tusartikkusuppaa:
- Ajorinngilara. Uanga
isumakkeerfigisinnaavara, isumakkeerfigivara. Taarsersuereernikuuvoq. Allat
inatsisartuunikut imatut taamatut pinikut naluara taamatut unneqqaritsigisimanersut.
Ajorinngeqaara, Nuka Chritiansen oqarpoq.
Taanna aamma isumaqarpoq Aleqa Hammond inuit attaveqaqatigiittarfiini oqariartuuteqallaqqissoq.
- Ulluni makkunani TikTokkikkut oqariartuutigisartagai
ajorinngeqaakka, neriuppunga tassa Siumut siumut saassasoq. Ukuali qinersisartuusimasut
aalajangissavaat qanoq pisoqarumaarnersoq, Nuka Christiansen oqarpoq sulilluarnissamillu kissaassilluni.
Isumakkeerfiginninneq siunissamullu neriuuteqarneq
Elisabeth Heilmann Sermitsiap aamma naapippaa, taanna isumaqarpoq aningaasanik atornerluisimanerit isumakkeerfigineqarsinnaasut:
- Sunaluunniimmi
tamarmi isumakkeerfigisassaavoq. Inoqanngilaq kukkujuitsumik. Suna tamarmi
ilinniarfiuvoq, Elisabeth Heilmann oqarpoq, taannalu isumaqarpoq Aleqa Hammondip piginnaasaasa Siumut siuariartissinnaagaa:
- Uanga siulittaasunngoqqinnera torragisorujussuuara, isumaqarpunga Siumup kinguariarujussuarnikuunera
siuariartorteqqilissagaa. Oqallorikkami pikkorillunilu.
Mianersoqqusivorli:
- Pissaanermik
tigusiniaqattaarneq ilinniarfigisimassagaa neriuppunga. Pissaaneqarniunneq mianersuussassaavoq.
Ineqi Kielsen siulittaasut tulliattut inissippoq. Doris Jakobsen Jensen aaqqiissuussaasumik siulittaasut tulliattut inissippoq. Siulersuisunilu ilaasortaalerput Anders Olsen, Lars Poulsen aamma Ole I. Frederiksen.
Taassuma saniatigut Siumup Inuusuttani siulersuisut siulersuisuunerni inissaqarput.
