Angutit ujajaasut ujaarineqarput

Nuummi ujajaasoqarsimasoq Kalaallit Nunaanni Politiit marlunngornermi nal. 17.58 nalunaarfigineqarput, politiit pigaartuisa pisortaat Poul Kreutzmann oqarpoq.

Qapiarfiusaami, Kamik Centermarkedip tunuani Samuel Kleinschmidtip Aqqutaata Lyngby-Tårbæksvejillu akornanni pisuinnaat aqqutaanni pivoq.

Angut tassani inunnit marlunnit saassunneqarpoq — tamarmik angutinit — 400 koruuninillu tilliffigineqarluni.

Takunnissimasinnaasut aamma saassussisut marluk ujaarineqartut pigaartut pisortaat oqarpoq.

Poul Kreutzmann ujaarineqartut ilisarnaataat pillugit ima paasissutissiivoq:

Pinerluuteqartoq A: Kalaallisut isikkulik, 180 cm-it missaanni angissuseqartoq nalinginnaasumik sananeqaatilik. Qernertunik takisuunik nujalik, tungujortumik taartumik kavaajaqarlunilu qernertunik qarlilik.

Pinerluttoq B angutaanera taamaallaat eqqaaneqarpoq.

Ajunaalernermi ikumatitaasinnaaso takuneqartoq

Ujajaasoqarnerata saniatigut Nuup eqqaani ajunaalernermi ikumatinneqartartoq takuneqarsimasoq politiit marlunngornermi ualikkut aamma nalunaarfigineqarput.

Ajunaalertoqarneranik nalunaaruteqartoqarsimanngitsoq, pisumilli ilisimannittoqarpat politiinut saaffiginneqqullugit kajumissaarutigineqartoq pigaartut pisortaat oqarpoq.

Politiit oqarasuaatikkut sianerfigineqarsinnaapput: 70 14 48.