Arctic Circle Track pisortatigoortumik ammalerpoq

Arctic Circle Track pingasunngornermi juulip ulluisa 16-anni nalunaaqutaq 15.00 ammassaaq. Taama Arctic Circle Business paasissutissiivoq.

Ammaanersiorneq Oqummiannguup Tasiata eqqaani pissaaq, tassani Qeqqata Kommuniani borgmesteri, Malik Berthelsen aamma Ineqarnermut Attaveqaasersuutinut, Isorliunerusunullu Naalakkersuisoq Aqqaluaq B. Egede ammaanersiornermi oqalugiassapput.

Ammaanersiornermi nipilersortoqarlunilu kaffillertoqarluni kaagillertoqassaaq, kiisalu ATV-inik UTV-nillu tuniniaasut saqummersitsissapput.

Kingotna Qerrortusup Tasianut ATV-inik ingerlaaqatigiittoqassaaq, tassanilu aamma nipilersortoqassalluni.

- Arctic Circle Track aqqutaannaanngilaq – Kalaallit Nunaata pinngortitaanik allatut misigisaqarnissatsinnut qaaqqusissutaavoq, Qeqqata Kommuniani borgmesteri Malik Berthelsen oqarpoq.

- Arctic Circle Track er ikke bare en rute - det er en invitation til at opleve Grønlands natur på en helt ny måde, siger borgmester i Qeqqata Kommunia, Malik Berthelsen.

- Nunaqavissut takornariallu aqqummik atuinissaat nunattalu immikkuullarissup periarfissiinerata atorluarneqarnissaa qilanaaraarput, Naasunnguaq B. Kristensen, Arctic Circle Businessimi pisortaq oqarpoq.