Aserorterinerit sanaartorneq kinguaattoortikkaa: Kommuni innuttaasunit ikioqquvoq

Atuarfik Kilaaseeqqap nutarsarneqarnerani ajornartorsiutit puttussuupput. Tamatumuuna oquk silaannalunnerlu ajornartorsiutaanngilaq.

Aserorterinerit ajornartorsiortitsipput.

Qeqqata Kommunia paasissutissiivoq sanaartorfit akulikitsunik aserorteriffigineqaqattaartoq:

- Atuarfik Kilaaseeraq akulikittunik serlersaarneqartarnera takussaaleraluttuinnarmat, tamannalu sanaartorfiusumut kinguarsaataallunilu aningaasartuutaavoq annertooq. Sanaartorfiusumi sulisut ullut tamaasa ilungersorlutik atuarfissamik pilersitseqataarusuttunik suliartortartunut suliaannut ataqqinninnginneruvoq ilungersunartoq. Qeqqata kommunia tamanna pinaversaatinniarlugu assigiinngitsunik iliuuseqarpoq, ajoraluartumilli tamanna naammanngilaq, Qeqqata Kommunia paasissutissiivoq.

Angajoqqaat meeqqatik oqaloqatigissavaat

Sanaartornermut pisortaq, Elise Olsen Sermitsiamut paasissutissiivoq matuunerusut aserorterneqartartut, tassani puukut tillinneqartarlutik. Taassuma neriuutigaa aserorterinerit tillinniarnerillu sanaartornerup aallartivinnginnerani unitsinneqassasut.

Qeqqata Kommunia pinaveersaartitsiniarluni arlalinnik iliuuseqarsimavoq, taakkuli naammanngitsut oqaatigaat:

- Aserorterinerup unitsinnissaanut Qeqqata kommuniata Maniitsumi innuttaasut ikiortiserai, angajoqqaat meeqqaminnik oqaloqateqarnissaannut unnukkullu illoqarfimmiittarnerisa nakkutigisarnissaannut kaammattorpavut.

- Inuusuttut aserorterisartut amerlangunanngikkaluartut, inuusuttut allat aserortereqataarusunnginnermik oqaaseqartalersinnaanerat, aserortererusukkunnaarnermik kinguneqarsinnaavoq.

- Innuttaasuttaaq unnukkut atuarfimmik nakkutiginninnerulernissaannik ikiuuteqqullugit kaammattorusuppavut.Pasitsaassaqaraannilu politit attavigeqqullugit, ataatsimoorluta atuarfissaq paaritigut piffissaliussamut nuannersumik nunaqqataasunut tunniunneqarnissaa anguniarlugu, Qeqqata Kommunia paasissutissiivoq.