KL

DK

Atuagaq nutaaq: Inger Platou spiralilersuisimanermut tunngasumik saqqummersitsisoq

"Aqqutima sangutinneqarnera", Inger Platoumit atuakkiarineqartoq saqqummeqqammerpoq. Taanna arnat 1970-kkunni akuersisinneqaqaaratik spiralilerneqarsimasut ilagaat - inuunermi sinneranut sunniuteqartumik.

Tôrtia Reimer-Johansen Journalist
Offentliggjort

Atuagaq "Aqqutima sangutinneqarnera" juulip ulluisa qulinganni saqqummerpoq.

Atuagaq 155-inik quppernilik annaasaqarnermut, sapiissuseqarnermut neriuuteqarnermut tunngavoq.

Atuagaq kalaallisut "Aqqutima sangutinneqarnera" siorna aasakkut saqqummerpoq, maannalu qallunaatut nammineq nutsikkani saqqummersillugu.

Inger Platou 1970-p ingerlanerani inuusuttuulluni toqungajalluinnassutigisaminik kalaallit arnarpassuit spiralilerneqarsimasut ilagaat, taamalu meerartaarsinnaajunnaarsimalluni.

Inger Platou meerarsiassaminik Colombiamut piffissani assigiinngitsuni marlunni aallerpoq, meeqqallu taakku ullumikkut inersimasunngoreerput.

 Meerartaarsinnaajunnaassutigisaminik spiralilerneqarsimanini, inuunerulli ingerlaqqinnerani nunarsuarmut meeqqanik aallernermi kingorna nutaamik inuuneqalernini atuakkiamini oqaluttuaraa.

Inger Platou kalaallini arnani spiralilerneqarsimasuni siullersaalluni atuakkiorpoq maannalu qallunaatuua nammineq nutsikkani aamma saqqummersippaa Danmarkimilu tuniniarneqassalluni.

samfund inger platou grønland bogudgivelse spiralsagen moderskab

Atorfiit tamaasa takukkit

– Se alle jobs

Powered by Labrador CMS