Borgmesteri Trumpimut oqariartuuteqartoq:
– Ataqqinninneq ilinniartariaqarpat
Inuiattut ullorsiornermi Erfalasuttalu ukiunik 40-nngortorsiornerani Qeqqata Kommuniani borgmesteri Malik Berthelsen oqalugiarpoq. tusarnaartut tusarnaartillugit tiguarpai – assaallu ersaattaatsittarlugit. Oqalugiaammi nalliuttorsiorpalaartumi borgmesterip USA-p præsidentia Donald Trump sakkortuumik toqqaannartumik isornartorsiorpaa.
Assi: Tôrtia Reimer-Johansen
Sisimiuni innuttaasut Qeqqata Kommuniani kommunip allaffeqarfiata silataani arfininngornerup ullaavani katersuupput.
Aqquserngup illuatungaani kommunalbestyrelsimi ilaasortat aalisartullu katinngalisarlutik nikorfapput.
Kommunalbestyrelsesmedlemmer og fiskere og fangere.
Assi: Tôrtia Reimer-Johansen
Sila nuilaarluni sialualaarpoq, seqernulli qinngorneri malunnarsilaartarlutik. Qupaloraarsuit qarlulaarneri tusarsaapput.
Borgere i Sisimiut foran kommunekontoret.
Assi: Tôrtia Reimer-Johansen
- Upernaaq kiatsileqaaq, nalunngilara nuannersisoq, nuannersisoq nalunngilara, aapinnga seqineq qilammi kisimi, borgmesterip oqalugiaammini Sumékkut taalliaat aallarniutigaa.
- Erfalasorput ullumikkut 40-liivoq, tamannalu pillugu innuttaasut pilluakutsooritsi. Takorloorsinnaavaralu Erfalasutsinnik ilusilersuisimasoq, Thue Christensen, suli ullumikkut ajunngikkaluaruni aamma tulljuusimaaqataassagaluartoq.
Assi: Tôrtia Reimer-Johansen
Nunatsinniit nunanut allanut
Borgmesteri nunatsinnut tunngasunik oqalugiareerluni, nunanut allanut saappoq, tassa USA-mut.
Tassani amerikap præsidentia, Donald Trump isornartorsiorlugu oqalugiarpoq:
- Trumpiaa, imaluunniit sisimiormiutut oqaatigalugu: utoqqatseraluarpunga, Trumperalangaa! Inoqatinut ataqqinninnerulaarnissat ilinniarniaruk.
Trumpip nunatsinnik tiguaanissaminut soqutiginninneranut tunngatillugu oqaaseqarpoq.
Oqalugiarnermini nunatsinnut tikeraaqquaa.
- Taamaanngippat inussiarnersuik qinnuigissavakkit, nunatsinnut tikillutit, 25-inik issittumi assorlugu qimusserneq imaluunniit tuttumik nammallutik misilikkiartussagit. Taava paasissavat inuiaasugut allatulli ataqqinassusillit, nioqqutissat pisiassatut assersuunneqarsinnaanngitsut.
- Tamannami ilinniarsinnaagukku kalaallit ullumikkut USA-mut isiginninnerput qularnanngitsumik allaanerussagaluarpoq.
Assi: Tôrtia Reimer-Johansen
Tulluusimaarneq
Trumpimut tunngasunik oqalugiarnermi saniatigut nunatsinni tulluusimaarutit taakkartorpai. Ilaatigut arfineq-pingasunik ukiulik, Sulik Berthelsen Sisimiuneersoq Avannaata Qimussersuaaraani ukioq manna ajugaanera tulluusimaarutigalugu eqqaavaa.
- Suluk, pikkoreqaatit taama mikitigalutit ajugaasinnaagavit, pilluarit.
Naggataatigut inuiaat ullorsiornerannut pilluaqqusivoq.
