KL

DK

Itillimi aallaasersortoqartoq: Inuk ataaseq oqaloqatigineqarpoq – ajoqusertoqanngilaq

Sisimiut eqqaani Itillimi aallaammik arlaleriarluni seqqortoqarnerata kingornaq inuk ataaseq oqaloqatigineqarpoq.

Tôrtia Reimer-Johansen
Tôrtia Reimer-Johansen Journalist
Offentliggjort

Kalaallit Nunaanni Politiit Sermitsiamut paasissutissiivoq nunaqarfimmi Itillimi aallaammik arlaleriarluni seqqortoqarsimasoq nalunaaqutaq pingasut missaani nalunaarfigineqarlutik. Politiit Itillimut suliaqariartorlutik ornigupput, SAR-helikopterilu Kangerlussuarmit Itilliliartinneqarluni.

- Inuk ataaseq oqaloqatigivarput, inunnik ajoqusertoqanngilaq. Maanna nunaqarfik isumannaallivoq innuttaasullu anisinnaanngorput, Kalaallit Nunaanni Politiit paasissutissiipput.

Isumannaallisaaneq pissutigalugu nunaqarfimmi innuttaasut illup iluaniiginnarnissaat kaammattuutigineqarpoq, maannakkulli nalunaarutigaat nunaqarfimmi ulorianartorsiortoqarunnaarmat innuttaasut anisinnaanngortut.

samfund

Atorfiit tamaasa takukkit

– Se alle jobs

Powered by Labrador CMS