Kalaallit Danmarkimi katsorsarneqartartut amerliartuinnarput

Kalaallit Nunaanneersut Region Hovedstedenip napparsimaviini katsorsarneqartartut ukiut tamaasa amerliartorput.

Berlingske naapertorlugu tamanna nunap immikkoortuani politikerinut nalunaarusiami atuarneqarsinnaavoq.

Region Hovedstadenimi napparsimasut 1418-it Kalaallit Nunaanni najugaqartut siorna katsorsarneqarput.

Ukiup siuliani 1389-it napparsimmavimmi uninngasimapput, 2022-milu Kalaallit Nunaannit 1375-it uninngasimallutik.

2024-mi napparsimasut 1418-it katillugit 10.000-ingajannik katsorsarneqarput, aningaasartuutillu katillugit 125 millionit koruunit sinnerlugit amerlassuseqarput.

2021-mi 90,5 milliardit koruuninik akiligassaapput.

Tusagassiivik naapertorlugu napparsimasut amerlanertigut Rigshospitalimut, immikkut ittumik Kalaallit Nunaanni suliarineqarsinnaanngitsut, nassiunneqartarput.

Christoffer Buster Reinhardt (K), Region Hovedstadenimi peqqinnissamut ataatsimiititaliami siulittaasoq, isumaqarpoq kisitsisit takutikkaat Kalaallit Nunaat namminersortoq peqqinnissaqarfimmi „suliniuteqarluartumit“ ikiorneqarani imminut napatissinnaanngitsoq.

- Illoqarfiit pingaarnersaanni taamaaliorusuppugut, aammali erseqqippoq avissaaqqaniarluni aalajangeraanni ikiuinissamut pisussaaffik peerutissasoq, taanna Berlingskemut oqarpoq.

Nalunaarusiaq naapertorlugu Rigshospitalimi napparsimasunik siunnersuisoqarpoq ataqatigiissaarisunillu kalaallit napparsimasut ilaqutaallu isumaginnittunik.

Aamma illissap qaavatigut kræfteqalersinnaanermut misissugassanik tigusisinnaanissamut Hvidovre Hospital isumaqatigiissuteqarfigineqarpoq.

Bispebjergip napparsimmavia amikkut nappaateqartunut tunngatillugu suliarinnittuusarpoq.

Aamma sumiiffiit ilaanni nakorsat piffissami sivikitsumi Kalaallit Nunaannut angalasarput.

Kisitsisit taakku timikkut nappaatinut tunngasuupput.

Aammattaarli tarnip pissusaanik ilisimasallit suleqatigiipput, Kalaallit Nunaannilu napparsimasut akeqanngitsumik katsorsarneqartarlutik.

Folketingimut ilaasortaq Aaja Chemnitz (IA) isumaqarpoq Danmarkimi ullumikkut ikiorsiissutit pillugit akiliisarneq atorunnaarsinneqarnissaa isumaliuutersuutigineqartariaqartoq.

Oqaatigalugu “Danmarkimi innuttaasuuvugut.”

Politikerip ilaatigut erseqqissarpaa Kalaallit Nunaanni kræftimik nappaatillit toqusartut amerlasut.

Tamatuma kingunerisaanik napparsimasut amerlanerusut Danmarkimi katsorsarneqartariaqartarput.

/ritzau/