Kalaallit
Nunaata isertitaasa amerlanerpaartaat ullumikkut aalisarnermit
pissarsiarineqartarput, takornariartitsinerlu suli ineriartortinneqarluni.
Jørgen Rosbach (D) naapertorlugu aningaasaqarnikkut ajornartorsiorneq
pissutigalugu siunissaq ungasinnerusoq eqqarsaatigalugu nutaanik
isertitassarsiornissamut politikerit pisussaaffeqarput.
Kalaallit
Nunaata isertitaasa amerlanerpaartaat ullumikkut aalisarnermit
pissarsiarineqartarput, takornariartitsinerlu suli ineriartortinneqarluni.
Jørgen Rosbach (D) naapertorlugu aningaasaqarnikkut ajornartorsiorneq
pissutigalugu siunissaq ungasinnerusoq eqqarsaatigalugu nutaanik
isertitassarsiornissamut politikerit pisussaaffeqarput.
Tassani
paasissutissanik qarasaasiatigut suliarinnittarfiit periarfissatut tikkuarpai,
taamaammallu Kalaallit Nunaat qanoq ililluni nunat tamalaat paasissutissanik
qarasaasiatigut suliarinnittarfeqalernissaannik
pilerinarnerulersitsisinnaanersoq Naalakkersuisut nassuiaammik
suliaqarnissaannik piumaffigineqassasut aalajangiiffigisassatut
siunnersuuteqarpoq.
– Aalisarnerinnaq
inuussutissarsiutigisinnaanngilarput, takornariartitsinerlu aningaasaqarnermik
suli nammaasinnaanngilaq. Taamaammat Kalaallit Nunaat qanoq ililluni
nunarsuarmi digitalimik ineriartornermut peqataasinnaanersoq
misissortariaqarparput, Jørgen Rosbach oqarpoq, taassumalu Inatsisartunut
qinigaaqqammerluni aalajangiiffigisassatut siunnersuutini oktobarip 15-ianni
saqqummiutissavaa.
Sooq Kalaallit Nunaanni paasissutissanik
qarasaasiatigut suliarinnittarfeqassava?
Nunarsuaq
tamakkerlugu digitaliseeriartornerup kingunerisaanik paasissutissanik
qarasaasiatigut suliarinnittarfiit isumannaatsuunissaat, aalajaatsuunissaat
piujuaannartinneqarnissaallu pisariaqartinneqarnerulerpoq. Kalaallit Nunaannut
pissusissamisoortunik pitsaaqutissaqartoq Jørgen Rosbachip erseqqissarpaa:
- Silaannatta nillertup periarfissippaa ”free
cooling”-imik taaneqartartut atorneqarnissaa, taassuma nillusaatinut
nukissiuutinut atuineq annertuumik annikillisissammagu. Taamatullu annertuumik
mingutsitsinngitsumik nukissiuuteqarnissamut annertuumik piukkunaateqartilluta
– pingaartumik imermik nukissiuuteqarnikkut - teknologimik sulialinnut suliffeqarfissuarnit piuamaneqarluartumik.
Jørgen Rosbach
siornatigut Tusassimi sulinikuugami paasissutissanik qarasaasiatigut
suliarinnittarfiit pillugit ilisimasaqalersimallunilu Islandimut angalanermini taamaattumik
takunikuuvoq. Island Sverigelu paasissutissanik qarasaasiatigut
suliarinnittarfiit pillugit pitsaasunik sinaakkutissaliorsimanertik
pissutigalugu suliffeqarfissuit soorlu Metap Microsoftillu soqutiginninnermik
ersersitsiviginerisigut iluatsissimasut aalajangiinissamut siunnersuutimini
tikkuarpaa. Kalaallit Nunaata misilittakkat taakku ilinniarfigisinnaavai,
taanna isumaqarpoq.
Nalunaarusiortoqarnissaa piumasarigaa
Naalakkersuisut
ataani allassimasunik qulaajaallutik nalunaarusiussasut Jørgen Rosbachip siunnersuutigaa:
- Paasissutissanik qarasaasiatigut suliarinnittarfiit sumi inissisimasinnaanersut,
- Attaveqaasersuinermut nukissiornerullu sapinngissusaanut piumasaqaatit suunersut,
- Akileraarusersuinikkut inatsisitigullu sinaakkutit suut atuutissanersut,
- Kiisalu pisortat-namminersortullu suleqatigiissinnaanerannut suut periarfissaanersut.
Nalunaarusiamittaaq
nuiaqatigiinni aningaasaqarnikkut iluanaarutaasinnaasut ajunaarutaasinnaasullu
nalilersorneqarlunilu nalunaarusiaq 2027-mi januaarip aallaqqaataatittagu
naammassisimassaaq.
Erngup nukinganik nukissiorfeqarnermi
periarfissat
Erngup
nukinganik nukissiorfiit annertuut, soorlu Tasersiap Tasersuullu eqqaaniittut,
atorluarneqarsinnaasut, tassanilu paasissutissanik qarasaasiatigut
suliarinniffiit mingutsitsinngitsumik nukissiornermut atorluarneqarsinnaasut
Rosbachip erseqqissarpaa.
– Paasissutissanik
qarasaasiatigut suliarinniffiit nutaatut pingaarutilittullu Kalaallit Nunaanni
inuussutissarsiutaalersinnaapput. Siunissaq eqqarsaatigisariaqarlugulu nunanut
allanut unammillernermi kinguariannginnissarput qulakkeertariaqarparput, taanna
oqarpoq.
Aningaasaqarnerup siunissamut qulakkeernissaa
Siunnersuut
Jørgen Rosbachimut teknologiimuinnaanngitsoq, aammali Kalaallit Nunaata
siunissaq ungasinnerusoq eqqarsaatigalugu ineriartortinnissaanut tunngavoq.
Paasissutissanik qarasaasiatigut suliarinnittarfiit aningaasaliinermut,
suliffissanik pilersitsinermut, piginnaasanik annertusaanermut nutaanik
isertitaqarfeqalernissamut illoqarfinnut nunaqarfinnullu siuarsaataasinnaasoq
taanna isumaqarpoq.
– Periarfissat
pigaagut. Apeqqutaaginnalerpoq politikkikkut piumassuseqartoqarnersoq, Jørgen
Rosbach naggasiivoq.
