Kunngi Frederik Ilisimatusarfimmiinnermini aqissip puiaaneersunik mamarsaasikkamik snapsitortoq
Kunngi Frederik Ilisimatusarfimmut pulaarnermini uumassusililerinermik ilinniarfik aallarterlaaq pillugu paasisaqarpoq.
Kong Frederik Ilisimatusarfimmut pingasunngornermi nal. 08:30 missaa apuuppoq.
Foto: Ida Marie Odgaard/Ritzau Scanpix
Kunngip Frederiup Nuummiinnerata ullut aappassaanni piniarnermut, puisinut nunattalu pinngortitaanut tunngasut allat pillugit ilinniartitsisoqarpoq.
Kunngip Naalakkersuisullu siulittaasuata Jens-Frederik Nielsenip Ilisimatusarfimmi ilinniarfik aallarterlaaq SILA takuniaaffigaat.
Uumassusililerinermik ilinniarfik Kalaallit Nunaanni pissutsinut naleqqussagaq pulaarneqarpoq.
- Ullormut nuannersumut qujanaq, kunngi Frederiup ippassaq pisut pillugit Jens-Frederik Nielsen Ilisimatusarfimmut ingerlaartilluni oqarfigaa.
Kunngi, Naalakkersuisut siulittaasuat allallu Ilisimatusarfimmi ilinniartitsisunik ilinniartunillu oqaloqateqarput.
Kunngip uumassusililerinermi ilinniarfiup pisortaa Aviaaja Lyberth Hauptmann ilassigaa.
Assi: Ida Marie Odgaard/Ritzau Scanpix
Kaffeqarlunilu naatitanik sassaallertoqarnerat "persuarsiorpalaanngitsumik" oqaloqatigiittoqartoq SILA-mi immikkoortortaqarfimmi pisortaq Aviaja Lyberth Hauptmann oqarpoq.
Aqissip puiaaneersumik mamarsaasikkamik snapsi
Kunngi immikkut ittumik aamma tunissuteqarfigineqarpoq. Ilinniartut ilaat aqisserniarsimapput.
- Piniarnermik ilinniarneq, nerisassat pinngortitamilu pisuussutit pillugit ilinniarneq Ilinniarnermut uunga ilaapput. Ilinniartut matuersaatinut nuffisaammik aqissip isigaanik pinnersaasikkamik namminneq sanaaminnik tunissuteqarput, Hauptmann oqarpoq.
- Ilinniartutta ilaat aqisserniallaqqissorsuuvoq, ukioq mannalu aqissit 600-nik sinnillit pisarisimallugit. Taanna aamma aqissip puiaaneersunik mamarsaasinnamik snapsiliornikuuvoq, immikkoortoqarfimmi pisortaq oqarpoq.
Kunngi Kalaallit Nunaannik soqutiginnilluartuusoq Aviaja Lyberth Hauptmannip maluginiarpaa.
- Kunngip apeqqutai naleqqulluartuupput, aamma ilinniartut ilaqutaat ilisarisimavai, oqarpoq Kalaallit Nunaannullu attuumassuteqarnera malugineqarsinnaalluarneqararlugu:
- Malunnaqaaq. Kunngi qanimut naapillugu assikkulluunniit takullugu tamanna maluginiarneqarsinnaavoq.
Pingasunngornermi pisussat nangeqqillugit Kunngip Inatsisartut siulittaasuat Kim Kielsen ulloqeqqasioqatigissavaa.
Kunngip Inatsisartut siulittaasuat ulloqeqqasioqatigereeruniuk Imarsiornermik Ilinniarfimmut pulaassaaq, tassanilu pisortaq Bent Olesen ilinniarfik pillugu saqqummiissalluni.
/ritzau/
