QALLUNAAT KALAALLILLU SULEQATIGIINNERAT
Meeqqat atuarfiini atuartut Naalagaaffeqatigiinneq pillugu sammisaqartut
Kalaallit Nunaata Danmarkillu oqaluttuarisaanikkut, kulturikkut inuiaqatigiillu ataqatigiinnerat paasiniarlugit qallunaat kalaallillu meeqqat atuarfiini atuartut sammisaqartinneqarput.
Atuartut kalaallit kulturiat qaminut aamma misigaat. Inuit Gamesimi assigiinngitsunik unammissutinik unammipput, taakkunani nukittunissaq, eqaanneq nikallujuinnerlu piumasaqaataalluni – nuannersumik unammillernartumillu imminnut misilittarlutik, Nuuk Internationale Friskole paasissutissiivoq.
Assi: Nuuk Internationale Friskole
Naalagaaffeqatigiinnerup iluani suleqatigiinneq pillugu Lejre Kommunemi Kirke Hyllinge Skolemi aamma Nuummi Internationale Friskolemi atuartut naalagaaffeqatigiinneq pillugu oqallinneq itisilerlugu sammisaqarfigaat.
Suliniut, meeqqat atuarfianni soraarummeernermi inaarutaasumik misilitsinnermut (FSA) ilaasoq, ukiup ataatsip missaani ingerlanneqarpoq, qanittukkullu Nuummi sapaatip-akunnerini arlalinni ingerlanneqarluni. Tassani qallunaat kalaallillu atuartut Kalaallit Nunaata Danmarkillu oqaluttuarisaanerannik, kulturiannik inuiaqatigiillu ataqatigiinnerannik paasiniaallutik suleqatigiipput.
Nuuk Internationale Friskolep tusagassiutinut nalunaarutaanni tamanna atuarneqarsinnaavoq.
Suleqatigiinneq sivisuumik pilersaarusiorneqareeraluartoq aatsaat taama pingaaruteqartigisoq, tassa qineqqusaarnermi kalaallit qallunaallu akornanni pissutsit oqallisigineqangaatsiarnerata nalaani pimmat atuarfiup maluginiarpaa.
- Atuartut peqataalluarput, Kalaallit Nunaata Danmarkillu ataqatigiinnerannik — oqaluttuarisaanikkut, politikkikkut minnerunngitsumillu inuttut ataqatigiinnerannik — paasinnilluarput, atuarfimmit suliniut pillugu allapput.
Umiatsiamik angalaarneq, sisorarneq kalaaliminertuunnerlu Naak suliaq soraarummeernermi misilitsinnermut ilaagaluartoq sapaatip-akunnerani Nuummiinneq ilinniartitsinerinnaananilu ataatimut sulinerinnnaanngitsoq atuarfimmit allapput:
- Atuartut kalaallit kulturiat qaminut aamma misigaat. Inuit Gamesimi assigiinngitsunik unammissutinik unammipput, taakkunani nukittunissaq, eqaanneq nikallujuinnerlu piumasaqaataalluni – nuannersumik unammillernartumillu imminnut misilittarlutik.
Gennem besøg, oplæg og rundvisninger fik eleverne en dybere forståelse for det grønlandske samfund og dets rolle i Rigsfællesskabet
Foto: Nuuk Internationale Friskole
- Tamatuma saniatigut kangerlummi umiatsiamik angalaqatigiinneq, ualikkut sisorariarneq, kiisalu kalaallit nerisassiaannik misileraanerit pipput.
Nuuk Internationale Friskolep suliniummut tapersersuisut arlallit qutsavigai.
- Atuartunut ilisimasanik misigisanillu naleqangaartunik sulinerminni iluaqutigisaminnik tunineqarput. Tikeraarneq, saqqummiinerit takornariarnerillu aqqutigalugit kalaallit inuiaqatigiit Naalagaaffeqatigiinnermilu inissisimaffiit pillugit paasisaqarnerupput.
Tassaapput Sulisitsisut, Peqqinnissaqarfik, Naalagaaffiup Sinniisoqarfia, Issittumi Sakkutooqarfik, Nunatta Katersugaasivia, Katersugaasivik, Pinngortitaleriffik, Nuuk Buusii, Niinis, Unicorn, Nobis, Grønlands Revision, Malik Ziemer Nordatlantisk Gymnasiumimeersoq allarpassuillu.
Naalagaaffeqatigiinnerup iluani suliniummut aningaasanik pissarsiniarneq ajornakusoortoq, taamaattumik aappaagu suliniut ingerlateqqinneqarsinnaagunarnavianngitsoq atuarfimmit paasissutissiissutigineqarpoq. Sulili eqqarsaatersuutigineqarpoq.
