Eqqissisimasumik aallartippoq, KNR-illi inernerit siulliit saqqummiuttalermagit inuit nuannaarnerujartuinnarput. Aallaqqaammut hurraartuuttoqarpoq, kingornalu nuan! suaartaatigineqartalerluni.
Naleraq qinersiviit ilaanni, amerlanertigut mikinerusuni kisitsisoqaqqaarfiusunilu, angusarissaarluarsimavoq. Tamatumuuna arlalinni taamaappoq. Pingaarnertulli Naleraq aamma inoqarfiunerusuni angusarissaarsimavoq.
Eqqissisimasumik aallartippoq, KNR-illi inernerit siulliit saqqummiuttalermagit inuit nuannaarnerujartuinnarput. Aallaqqaammut hurraartuuttoqarpoq, kingornalu nuan! suaartaatigineqartalerluni.
Naleraq qinersiviit ilaanni, amerlanertigut mikinerusuni kisitsisoqaqqaarfiusunilu, angusarissaarluarsimavoq. Tamatumuuna arlalinni taamaappoq. Pingaarnertulli Naleraq aamma inoqarfiunerusuni angusarissaarsimavoq.
Tamanna erserpoq Tasiilami qinersinermi Siumut partiini nuannarineqarnerpaatut taaneqarmat, tamannalu nuannaarutigineqarpoq. Tamanna nuannattunit tigulluarneqarpoq, tassami tusaamasat amerlasuut Siumumiuunikuupput.
Kuno Fencker sassaalliutit arferup neqaanik umimmannillu pujuukkanik ilallit sanioqquppai.
Assi: Emil Stach
Maannali Naleraq aamma illoqarfinni partiinngorpoq – illoqarfiit ilaanni. Kingusinnerusukkut politikerit assilitinnerani takuneqaqqissaaq.
– Upernavik, Upernavik, nilliasoqariataarpoq.
Inuit susoqarnersoq paasipallakkamikku skærmersuaq qiviapallappaat. Upernavimmi qinersinermi taasinerit kisinneqarsimalerput, Nalerarlu taasinerit affaasa missaat pissarsiarigamigit partiini anginersaattut inissippoq.
Siulittaasoq Pele Broberg parteeqatinilu.
Assi: Emil Stach
Aki-Matilda Høegh-Dam sumiiffinni arlalinni Naleqqami qinerneqarnerpaavoq. Jens NapãtôK' Upernavimmi najugalik partiip iluatsilluarneranut ima nassuiaateqarpoq:
– Sivisuumik, oqimaaqatigiissumik allanngoranngitsumillu ingerlaniarluta aalajangersimagatta siuariartorpugut. Kalaallit Nunaat qanoq anguniagaqarfiginerlugu erseqqissumik oqaatigisarparput. Illuatungiliuttutut aqquterput minguitsuutinniarsaraarput Kalaallit Nunaallu tamakkerlugu partiiuniarluta, tamannalu pillugu qinersisartut qinersimarpasippaatigut.
Piffissami tassani suli unnup-qeqqaranilu taasinerit arlallit suli kisinneqartussaapput. Qinersisoqareerpat Naalakkersuisut nutaat isumaqatigiinniutigineqassapput. Unnuk nuannerlunilu aqagu (tassa pingasunngornermi) pissanganartumik pisoqassasoq Pele Broberg oqarpoq.
Tusagassiortut arlallit unnuup ingerlanerani takkupput.
Assi: Emil Stach
Jens NapãtôK’ qanorluunniit pisoqaraluarpat isumalluarpoq.
– Illuatungiliuttuniiginnaruttaluunniit Naleraq nukittunerusoq illuatungiliuttuussaaq, oqarpoq.
Inernerit akuerisaasut takkussuutsillugit ataatsimoortut nuannakkaluttuinnarput, aammalu nipilersortoqarlunilu qittattoqarpoq.
Upernavimmit kisitsisit saqqummiuteqqinneqaleruttortut tusagassiortut ilaat nalaatsornerinnakkut aqqusaarmata qiimmaqqittaraat.
- Illuarniaritsi!, Jens NapãtôK’ tuluttut suaarpoq, tamatumalu kingorna inuit illarrapput.
Aqaguanilu pingasunngornermi Naleraq Tasiilami ajugaasimasoq paasineqarpoq.
Naleraq Inatsisartuni nutaani partiit annnersaasa tulliattut inissikkami arfineq-pingasunik ilaasortaatitaqalissaaq.
