Nalunaaruteqartoqareersorlu imaani angalasunut kaammattuisoqartoq

Sisimiuni ilaqutaasut isumaaluttut politiinut ullormi kingullermi saaffiginnipput.

Inuit imaani angalasut sulilu tikissimanngitsut isumaalugineqarput.

Politiinut nalunaarutigineqartut tunngavigalugit ujaasisoqarnissaa aallartinngikkallarlugu angalasup nammineq tikinnissaat utaqqeqqaarneqassasoq aalajangerneqartoq pigaartut pisortaat Aputsiaq Hansen paasissutissiivoq.

Qujanartumik angalasut taakku ajoratik namminneq tikipput.

Tamatumunnga atatillugu pingaartut pisortaat angalasunut tamanut kaammattuuteqarpoq:

- Angalassagaanni pilersaarutit qanigisanut paasitilluartarnissaat pingaaruteqarpoq, aammattaaq angalanermi attaveqaatit eqqortut nassartarnissaat, taquarluartarnissaq atisallu tulluartut atortarnissaat aamma pingaaruteqarpoq, Aputsiaq Hansen oqarpoq.

Nuummi biilinik ajutoortoqartoq

Nuummi aqqusinermi angallannermi aamma ajutoortoqarpoq.

Ajutoornermi ajoqusertoqanngilaq, aputeqaqqilernerali mianersorfiullunilu quasassinnaanera eqqarsaatigineqassasoq pigaartut pisortaat oqarpoq.

Illoqarfiit pingaarnersaanni ajutoortoqaqqittoq politiinut sisamanngornermi ullaakkut nalunaarutigineqarpoq.