Nuummi saassussineq misissuiffigineqarpoq

Ataasinngornikkut unnukkut nalunaaqutaq 23.00 qaangilaaraa Kalaallit Nunaanni Politiit saassussisoqarneranik nalunaarfigineqarput.

Angut Nuummi Svend Jungep Aqqutaani inunnit pingasunit saassunneqarsimasoq pigaartut pisortaat Aputsiaq Hansen oqarpoq.

Politiit takkunneranni pinerluttut pingasut qimaareersimapput:

- Nakuuserneq pillugu suliamik aallartitsivugut pisorlu misissuiffigalugu. Inuit aalajangersimasut pasitsaappagut, tamannalu misissuiffigalugu, Aputsiaq Hansen oqarpoq.

Inuusuttuaqqat ornittagaannut tillinniartoqartoq

Saassussinerup saniatigut politiit pigaartuisa pisortaat ilisimatitsivoq Nuummi Nuussuarmi inuusuttut ornittagaannut marlunngornermi ullaakkut nal. 05.03 tillinniartoqarsimasoq.

Qarasaasianut tunngasut tillinneqarsimapput, tamannalu politiit aamma misissuiffigaat.