Nuummi silarlunnera pissutaalluni timmisartuussinissat taamaatinneqartut
Nuummi anorersuarnissaa aarlerisaarutigineqarmat Nuummut Nuummiillu timmisartuussinissat tamangajammik ataasinngornermi taamaatiinnarneqarput. Tuukkaq Kangerlussuarmukartinneqarpoq.
Arkivfoto: Leiff Josefsen
Nuummi ataasinngornermi silalunnera pissutaalluni timmisartuussinissat sunnerneqarput.
Nuummut Nuummiillu timminissat tamarmik taamaatinneqartut, taamaallaat unnukkut kingusissukkut ataaseq pinnagu Air Greenland nittartakkami allappoq. Ulloq tamaat 40-50 knobinik anoraasuartalimmik anorersuarnissaa tamatumunnga. peqqutaavoq.
- Sila peqqutigalugu timmisartut unittarfimmiittut suliarineqarsinnaanngillat – aamma ataatsumik mittorarsinnaagaluartoq, Air Greenland taamaatitsinerit tunngavilersorlugit allappoq.
Aalborgimiit Nuummut aamma Nuummiit Aalborgimut AirSevenip timmisartuussinissaa taamaatinneqanngilaq.
Tuukkaq Kangerlussuarmukassasoq
Timmisartorsuaq Tuukkaq pilersaarutit malillugit ingerlaannassaaq, Nuummukaranili Kangerlussuarmukassasoq allanngortinneqarpoq.
- Ilaasut Sisimiunut, Ilulissanut Pituffimmullu angalaniartut angallavissaat allanngortinneqassaaq maanngaaniit Dash-8-mik ingerlaqqillutik, Air Greenland allappoq.
Allannguutit pillugit paasissutissat amerlanerusut Air Greenlandip nittartagaani atuarneqarsinnaapput.
Sisimiuniit Paamiunut ataasinngornermi qulisimalluni siallissasoq DMI-p silassamik ilimasaarutaata takutippaa.
Kujasimmit kujasik-kangisimmiillu suffarissaaq anorsarissisarluni, sakkortuumik anoraasuarsarsinnaalluni. Nuummi eqqaanilu anorlernerussaaq, ullaarlu tamaat natsimassaaq aqagulu natsimalluni anoraasuarsuartut sakkortutigisarsinnaassalluni.
