Partiit siulittaasui qinersiartortut - ataaseq inuuissiortoq
Illoqarfiit pingaarnersaanni qinersineq nalunaaqutaq qulingiluanut aallartippoq. Partiit siulittaasui marluk Múte B. Egede aamma Erik Jensen qinersiartortut siulliit ilagaat. Múte B. Egedep inuuissiornerani ullaakkut nalliussineqarmat Sermitsiaq aamma peqataavoq. Assit allaaserisami takukkit.
Siumup siulittaasua Erik Jensen marlunngornermi ullaap tungaani qinersivoq.
FOTO: OSCAR SCOTT CARL
Ulluni kingullerni siallertarlunilu anorleqattaaraluartoq Nuummi marlunngornerup ullaap tungaani seqinnarippoq, qinersiviillu armarnerani qinersisinnaasorpassuit najuupput.
Partiit siulittaasui marluk, Múte B. Egede (IA) aamma Erik Jensen (S), ukiuni kingullerni pingasuni naalakkersuisooqatigiissimasut qinersiartortut ilagaat.
IA-p siulittaasua Múte B. Egede aamma Siumup siulittaasua Erik Jensen Inatsisartunut qinersisuni siullernut ilaapput.
Assi: Oscar Scott Carl
Nuummi qinersivik, Nuummi illorsuaq timersortarfik, tusagassiortunik nunanit tamalaaneersunit, qinersisartunit politikkerinillu nuimasunik qinersiartortunik ulikkaarpoq.
Inuit Ataqatigiit sinnerlugit politikkerit nuimasut Agathe Fontain, Naaja H. Nathanielsen aamma Aqqaluaq B. Egede marlunngornermi ullaap tungaani aamma qinersiartorput.
Assi: Trine Juncher Jørgensen
Partiit pisarnertut qinersiviup silataani naapinneqarsinnaapput, tassani qinersiartunnginnerminni kaffisorlutillu politikerit oqaloqatigisinnaallugit.
Múte B. Egede ullaakkut erinarsorfigineqartoq.
Assi: Oscar Scott Carl
Naalakkersuisut siulittaasuat aamma IA-p siulittaasua Múte B. Egede inuuissiorpoq, Sermitsiallu assiliisua partiip siulittaasuata inuuissiornerani IA-p allaffeqarfiani ullaakut erinarsorfigineqarmat peqataavoq.
