Kalaallit Nunaata aningaasatigut maannakkorniit annertunerusumik imminnut pilersorsinnaanerulernissaa anguneqassappat, aalisarnermik inuussutissarsiutip saniatigut, pisuussutit uumaatsut atorlugit inuussutissarsiornikkut nutaaliornermi periarfissat assigiinngitsut misissorneqartariaqartut.
Inatsisartunut aamma Kommuneqarfik Sermersuumi kommunalbestyrelsimut qinigassanngortittoq Ole E. Møller, Inuit Ataqatigiit, taama isumaqarpoq.
Kalaallit Nunaata aningaasatigut maannakkorniit annertunerusumik imminnut pilersorsinnaanerulernissaa anguneqassappat, aalisarnermik inuussutissarsiutip saniatigut, pisuussutit uumaatsut atorlugit inuussutissarsiornikkut nutaaliornermi periarfissat assigiinngitsut misissorneqartariaqartut.
Inatsisartunut aamma Kommuneqarfik Sermersuumi kommunalbestyrelsimut qinigassanngortittoq Ole E. Møller, Inuit Ataqatigiit, taama isumaqarpoq.
Aamarsuit atorluarneqartariaqartut
Kalaallit Nunaani aatsitassat piiarneqarsinnaasut pillugit nalunaarsuiffik naapertorlugu, Qullissani, Nuussuarmi sumiiffinnilu allani annertuumik aamarsuaqarpoq, nunarsuarmilu aamarsuit ikummatissatut atorneqarnerat annikilliartoraluartoq, taamaattoq nunat ilaanni annertoorujussuarmik suli piaasoqartarpoq, aamarsuillu ilaatigut Danmarkimi nukissiuuteqarfiit ilaanni suli atorneqartarput.
Aamarsuilli ikummatissatut taamaallaat atorneqaratik, suliareqqiinikkut assiinngitsorpassuarnut atorluarneqarsinnaasut, periarfissarlu taanna nunatsinni atorluarneqartariaqartoq, Ole E. Møller oqarpoq.
- Aamarsuarnik suliareqqiinikkut ikummatissanik imerpalusunngortitsineq aamma CTL-imik, tassa coal to liquid-imik taaneqartartoq atorlugu ilaatigut diesel, benzin aamma petrolium nunatsinni sananeqarsinnaapput, taamaalilluni siunissami nunarput taakkuninnga imminut pilersuliinnerani aammali nunanut allanut orsussamik niueruteqarneq aallartinneqarsinnaavoq.
Kalaallit Nunaata aningaasatigut maannakkorniit annertunerusumik imminnut pilersorsinnaanerulernissaa anguneqassappat, pisuussutit uumaatsut atorlugit inuussutissarsiornikkut nutaaliornermi periarfissat assigiinngitsut misissorneqartariaqartutInatsisartunut, Inatsisartunut aamma Kommuneqarfik Sermersuumi kommunalbestyrelsimut qinigassanngortittoq Ole E. Møller, Inuit Ataqatigiit, isumaqarpoq.
Asseq nammineq pigisaq
- 1963-mi Qullissani aamarsuit 40.000 tons missaat piaarneqarsimapput, taakkulu amerlaqataat CTL atorlugu dieselinngorunik orsussaq nunatta atorfissaqartitaa sinnerujussuarlugu pilersinneqarsinnaagaluarpoq, nunatsinnilu siunissami sakkutooqarfinnik pilersitsisoqassappat, taakku orsussamik uagut pilersorsinnaalissavagut.
- Taannaannaanngilaq aamarsuimmi assigiinngitsorpassuarnut allanut aamma atorneqarsinnaapput, taamaattumik aamarsuit atorlugit tunisassiarineqarsinnaasut assigiinngitsut sukumiisumik misissorneqartariaqarput, taanna oqarpoq.
Aamarsuillu atorlugit ikummatissanik imerpalasunngortitsinerup saniatigut aamarsuit nunanut allanut niuerutigineqarsinnaasut aammali nunatsinni illuaqqani angerlarsimaffinnilu kiassarnermut tapertartut atorneqarsinnaalluartut, taanna isumaqarpoq.
Qullissat ammaqqinneqarsinnaasoq
Qullissat Kalaallit Nunaani aammarsuiarsorfiusimasut tusaamasaanersaraat aammali Qullissat akiani Nuussuup nunataani Saqqap avannaani Atanikerlummi aamarsuarnik piaaffeqarsimavoq, tassanilu annertoorujussuarmik aamarsuaqarfeqartoq ilisimaneqarpoq.
- Aamarsuarnik piaaneq misilittagaqarfigereerparput, tamannalu aatsitassarsiorfinnut allanut naleqqiullugu mingutsitsinnginnerujussuuvoq.
- Taamaattumik Qullissani aamarsuarsiorfimmik nutaaliaasumik ammaanissaq takorluugaannaanani piviusorsiortuuvoq, tassungalu tunngatillugu misissuinerit aallartinneqartariaqarput, Ole E. Møller oqarpoq.
Taassuma saniatigut Uummannap eqqaani Qaarsuarsuit aamarsuaqarfiunerat tunngavigalugu, tassani aamarsuarnik tunisassiornermut misileraavimmik ammaasoqartariaqartoq, taanna isumaqarpoq.
Qisuit biilillu assakaasui orsussatut
Qisuit ikummatissatut imerpalusunngortinneqarsinnaasut ilisimaneqarpoq, nunatsinnilu qisuppassuit atorluarneqaratik igiinnarneqartartut ikuallaavinniluunniit ikuallanneqartartut, taamatut saneqarsinnaanerat misissorneqartariaqartoq, kiisalu biilit assakaasukorpassui Danmarkimut nassiunneqartartut, nunatsinni qaartiterutissanut matoorutissatut sanaartorneqartariaqartut aammalu pinnguartarfiit allequtaatut atorneqarsinnaasut, Ole E. Møller, produktionsteknologitut, saffiuutut qaartiterisutullu ilinniarsimasoq oqarpoq.
