Silami pinngitsaaliisoqarnera nalunaarutigineqareertorlu tigusarinnittoqartoq

Arnaq Nuummi silami pinngitsaalineqarsimasoq sapaammi unnukkut nal. 23.25 Kalaallit Nunaanni Politiit nalunaarfigineqarput

Pinngitsaaliineq Nuukullammi pivoq.

Politiit ingerlaannaq ornigussimasut pinerliisimasutullu pasineqartoq tigusarineqartoq pigaartut pisortaat Aputsiaq Hansen oqarpoq.

Politiit suliaq suli misissorpaat, taamaattumik pigaartut pisortaat maannamut oqaaseqarnerusinnaanngilaq:

- Misissuineq ingerlavoq, ullup ingerlanerani pasineqartup tigummigallarneqarnissaa siunertaralugu eqqartuussivimmut sassartinneqartassanersoq aalajangiiffigineqassaaq, pigaartut pisortaat Sermitsiamut oqarpoq.