Sisimiuni inuit marluk toqutseriarsimasutut tigusarineqartut

Kalaallit Nunaanni Poliit arfininngornermi ullaakkut nal. 09.21 persuttaasoqartoq sianerfigineqarput.

Politiit sumiiffimmut ornigukkamik inuk ataaseq ajoqusingaatsiarsimasoq nassaaraat, inuillu marluk pasineqarlutik tigusarineqarput. Persuttarneqartoq napparsimaviliaanneqarpoq, nakorsamillu misissorneqareerluni sakkortuumik persuttaaneq toqutserianertut nalilerneqarpoq.

Inuit marluk tigusarineqartut sapaatip ullaavani nal. 09.30 eqqartuussivimmi sassartinneqarput, tigummigallarneqarnissaat siunertarineqarluni. Politiit oqaasii naapertorlugit persuttaanermi aalakoortoqarsimavoq.

Toqutseriartoqarsimanermut pasilliut suli misissorneqarluni suliarineqarpoq.

Biilinik ajoqusertoqartoq

Sapaatip unnuaani politiit Nuummi illoqarfiup qeqqani biilinik sukkalisaartunik naammattuuipput, biilillu taakku qullersuarmut apornerminni ajoqusingaatsiarput. Aquttoq annertunngitsumik ajoquserpoq. 

Kalaallit Nunaanni Politiini pigaartut pisortaat, Aputsiaq Hansenip nassuiaatai naapertorlugit sapaatip ullaava eqqissisimaneruvoq.