Spotifyp pisortaanerata akit qaffanneqarsinnaanerat nutaanillu periarfissaqalersinnaanera ilimasaarutigaa
Spotifyp ukiup affaanut naatsorsuutaani 640 million koruuninik amigartooruteqarpoq, maannalu akit qaffanneqarnissaat ilimasaarutigineqarpoq.
Assi: Tôrtia Reimer-Johansen
Nipilersukkanik tusarnaartitsisarfiup Spotifyp nipilersukkanik tusarnaartitsisarfimmik nutaanik ineriartortitsinermini akit qaffannissaat ilimanaateqarnerarpaa.
Suliffeqarfiup pisortaanera Alex Norström aviisimut Financial Timesimut taamatut oqarpoq.
- Akit qaffanneri, akit nalimmassarneri allallu niuernermi sakkussatsinnut ilaapput, silatusaarnerutillugulu atortassavavut.
Spotify akit 2023-imi qaffattalerpai. Akinik qaffaaneq aningaasartuutinullu sipaarnerit 2024-imi ukiumi siullermi sinneqartooruteqartitsipput
Ukioq manna aggustusip aallartilaarnerani suliffeqariup nalunaarutigaa premiummimik atuisut septembarimiit akiliinerulissasut. Taanna nutaarsiassaq Spotifyp aktiaataanut 10%-inik qaffatsitsivoq.
Suliffeqarfiup ukiup affaani aningaasaqarnermut naatsorsuutigaani paasinarsivoq atuisut amerlanerulersimasut, kisiannili 86 millionit euromik amigartooruteqarluni, koruuninngorlugit 640 millioniullutik.
Nassuiaatigineqarpoq ingerlatsinermut aningaasartuutit 8%-mik 2024-imi qaffanneqarmata.
Nipilersuutinik tusarnaartarfik 274 millioninit akiliisartunit atuisoqarpoq, 696 millionit qaammammut akilisartuullutik.
Suliffeqarfiup atuisut milliardit anguniaraa, Nordström oqarpoq.
- Milliardit angulerpagut? Oqaatigisinnaanngilarali ajornartuusoq.
Suut atortut atuutilersinneqassanersut Nordströmip annertunerusumik itisilinngilaa. Kisiannilu oqaatigalugu silassorissuusiaq aningaasaliiffigisimallugu.
Ukioq manna siusinnerusukkut Financial Timesimi allassimavoq Spotifyp aaqqiissut nutaaq, qaammammut 6 dollarinik akiliuteqartalimmik, sulissutigigaa.
Financial Times naapertorlugu atuisut aalajangersimasut nipilersortartumik aalajangersimasumim tusarnaartartunut tunngasuusoq.
Nordström julimi ingeriartornissamut tunngasunik aperineqarami, oqaatigaa suliffeqarfik siuariartornissamik iliuuseqartoq, piffissarli sivisusinnaasoq.
Spotify siornatigut atuakkanik tusarnaagassianik podcastinillu ikkussisinnaalernissamik suliaqarpoq.
/ritzau/
