Inuk Nuummi Niuernermik
Ilinniarfimmi (Greenland Business School aaqq.) allaffimminiippoq.
Ilinniartunut atuartitsinissani piareersarpaa. Uippakajaarani piffissarlu
tuaviussutiginagu.
Inuk Ostermann Sørensen qallunaatut
tuluttullu ilinniartitsisutut ilinniarsimavoq.
Inuk Nuummi Niuernermik
Ilinniarfimmi (Greenland Business School aaqq.) allaffimminiippoq.
Ilinniartunut atuartitsinissani piareersarpaa. Uippakajaarani piffissarlu
tuaviussutiginagu.
Inuk Ostermann Sørensen qallunaatut
tuluttullu ilinniartitsisutut ilinniarsimavoq.
Ilinniarfissuarmi
ilinniartitsisunngorniarnermini anguniagaqarpoq: Meeqqat atuarfianni meeqqanit
alapernaatsunik avatangiiseqarluni sulilernissani.
- Meeqqat atuarfianni
ilinniartitsisuuneq pingaaruteqarpoq, meeqqammi ukiuni qulini atuarfimmi
ineriartornerat malinnaaffigisaratsigu, 32-nik ukiulik Inuk Ostermann Sørensen
oqarpoq.
Bachelorinngussutissami
allaaserinerani Nuummi meeqqat atuarfianni sulivoq. Suliassalli
amerlavallaarnerat paasiartuaalerpaa.
- Suliassaqarpallaarujussuarneq
nammassinnaasimanngilara, tassami klassini assigiinngitsuni pingasuni
ilisimasaqarfiginngisannik ilinniartitsisariaqartarpunga. Atuartut 70-it
angullugit amerlassusillit ilinniartittussaavakka, Inuk Ostermann Sørensen oqarpoq.
Ilinniartitsissutigisassani allat,
soorlu inuiaqatigiilerineq, upperisarsiorneq filosofi, nipilersorneq
toqqagassallu allat sunngiffini atorlugu ilinniartalerpai.
- Suliffinniit soraarlunga meerara
aariarlugu, angerlarlunga unnukkorsiortarpunga, meerara innarteriarlugu
aqagumut atuartitsissutigisassannut piareersarniarsarisarpunga.
Sulinngiffeqanngisaannarpunga, oqarpoq.
Napparsimalluni sulinngiffiit
amerlisut
Sulinermik tatineqarneq
pissutigalugu napparsimakulanerulerpoq sulinngitsuukulalerlunilu.
- Tamanna inuuninnut
sunniuteqarnerluppoq. Sulisaleramali aatsaat taama amerlatigisunik sulinngitsoorfeqarpunga.
Qasoqqarujussuarpunga nukissaarullungalu, Inuk Ostermann Sørensen oqarpoq.
Ilumut ilinniartitsisoorusunnerluni
apeqqusersulerpaa.
- Meeqqat pillugit
ilinniartitsisunngorniarpunga, ilinniartitsisarneq, meeqqat ineriartornerat,
ilikkagaqaraangamik nuannaarnerat malinnaavigisinnaallugu, Inuk Ostermann
Sørensen oqarpoq.
Meeqqap ilinniartitsisullu
attaveqatigiilluarnerat tassunga pingaaruteqarnerpaavoq.
Attaveqatigiilluaraanni ilinniartitsinissaq ajornannginnerulertarpoq.
- Atuartut ilikkagaqaraangata
nuannarisarpara. Paasisaqartillutik nuannaartarnerat tulluusimaartarnerallu
takusinnaallugit. Tanngassimaarutigisaqaakka, oqarpoq.
Inuk Ostermann Sørensen meeqqat
atuarfianni ilinniartitsisutut allagartartaareernermi kingorna allamik
suliffittaarpoq, tassa ilinniartitsisutut ilinniarsimasutut meeqqat atuarfianni
sulisimanngisaannarpoq.
Inuk Ostermann Sørensenip meeqqat
atuarfiannut siunissami uternissani takorloortarpaa, maannakkulli
taamaaliorsinnaanngilaq.
- Maanna suliffinni
ilinniarsimasannut piareersarluarnissannut piffissaqarpunga. Nuannaraara,
tamannalu pingaaruteqarluinnarpoq.
