Tasiilaq: Ukioq manna umiarsuaq tikittoq siulleq nuannaarutaasoq

Naatitat nutaat, sodavandit, allarpassuillu Tasiilamut tikipput.

Royal Arctic Linep umiarsuaa ukioq manna siullermeerluni Tasiilamut tikippoq.

Naak umiarsuaq siusinaarluni tikikkaluartoq, innuttaasut tikilluaqqisillutik isiginnaarput.

Tasiilami innuttaasup Axel G. Hanseni naapertorlugu umiarsuaq tikikkaagat inuit takkuttut suli amerlanerusaraluartut.

- Pilersaarutit malillugit nalunaaqutaq aqqanernut tikittussaagaluarpoq, qulinulli tikippoq, Sermitsiamut oqarpoq.

Umiarsuaq tikimmat pisiniarfinni nioqutissat nutaat takussaalissapput - innuttaasut arlallit ukiorli qilanaarisimasaat.

Pisarneq malillugu umiarsuaq siulleq kingullerlu tikikkaangat aamma inuiattut ullorsioraangatta qamutilik seqqortinneqartarpoq. Maannalu tikimmat taamaaliorput.