Sisimiuni sila seqinnarilluni timmiaararpalaaq. Ivikkat qorsooqqissilerput, ullaap tungaanilu illoqarfik nipaaqaaq.
Illoqarfiulli nipaannerata tunuani taarnersaqarpoq.
Sisimiuni sila seqinnarilluni timmiaararpalaaq. Ivikkat qorsooqqissilerput, ullaap tungaanilu illoqarfik nipaaqaaq.
Illoqarfiulli nipaannerata tunuani taarnersaqarpoq.
Politikommissæri Karl Jørgen Lennert allaffimmini, illoqarfimmut isikkiveqartumi, issiavoq. Inuit biilillu saneqquasut takuneqarsinnaavoq. Isikkivik taanna politikommissærip ukiuni 40-uni isikkivigaa. Naak isikkivik taannaajuartaraluartoq, inuiaqatigiinni pissutsit taamaaginnanngillat.
- Ukiut
40-ut politiiniippunga, aallartinninninnganniit misigisat eqqarsaatigalugit malunnarpoq
inuiaqatigiit allanngoraluttuinnartut. Pinerlunnerit sakkortusigaluttuinnarlutik.
Taamaalilluni suliassat oqimaalligaluttuinnarput, Karl Jørgen Lennert oqarpoq.
Suliat sakkortuut oqimaatsullu
Sisimiunit pinerlunnermut tunngasut politiinut nalunaarutigineqartartut amerligaluttuinnarput. Taannaannaanngilarli. Pinerlunnerimmi sakkortusigaluttuinnartut nalilerpaa.
Karl Jørgen Lennertip ilanngullugu oqaatigaa suliani amerlanerpaani imigassaq akuusartoq.
- Pinerlunnerit sakkortusipput, nakuusernerit
sakkortusillutik, kattussisarnerit allallu. Taakkua Sisimiuni
tusarsaaleraluartut ukiut marlussuit qaangiummata. Imigassaq
pequtaasinnaasinnaavoq, amerlanerit imigassartorsimallutik pisarmata.
Sisimiuni ukiuni kingullerni Sisimiuni persuttaasoqaqattaarpoq. Ilaatigut angutit inuusuttut Rigshospitalimut aallarunneqarlutik suliaritikkiartortariaqarsimallutik. Pinerliisut ilaat sapaatip akunnerani pingasuni ujaarineqareerluni tigusarineqarpoq. Taanna allat peqatigalugit eqqartuussivimmut sassartinneqarput. Pisuutinneqarput pineqaatissinneqarlutillu eqqartuunneqarlutik.
Meeqqanik tiingalersaarutit amerlartortut
Nakuusertarnerit sakkortusiartuunnaratik, meeqqanut tiingalersaarutit aamma sakkortunerulerput. Inuit attaveqaqatigiittarfiini siammarterneqartarnerat takussaaleraluttuinnarpoq.
Angut 37-inik ukiulik Sisimiuneersoq paarineqartussanngorlugu eqqartuunneqarpoq, taassuma ilaatigut videot meeqqanut tiingalersaarutit ulluni 41-ni sivisussuseqartut paarisimallugit ilaatigut eqqartuunneqarpoq. Taassuma sakkortussutsit assigiinngitsut pingasut tamaasa tigummisimavai. Suliaq eqqartuussivimmi naammassineqarpoq. Sisimiunili politiit assingusumik suliaqarput, taallugu "Blækspruttesagen".
- Inuit attaveqaqatigiittarfiini pinerlunnerit aamma takussaapput. Sakkortusigaluttuinnarlutik.
Politikommissæri Karl Jørgen Lennert maajip qulingani ukiut 40-ut matuma siorna atorfinippoq.
